ՀՀ ոստիկանության պետ՝ գնդապետ-լեյտենանտ
պարոն Վլադիմիր Գասպարյանին
ԴԻՄՈՒՄ
Հարգելի ոստիկանապետ, ուզում եմ Ձեր ուշադրությունը սևեռել դեպի այն խարդախությունները, որոնք կատարվում են Ճանապարհային ոստիկանության և Security Dream ՍՊԸ միջև: Խոսքը վերաբերվում է Երևանի փողոցներում տեղադրված արագաչափերին:
Խնդիրը կապված է ք.Երևան, Լենինգրադյան փողոցում (դեպի կենտրոն) տեղադրված արագաչափին, որը մոտ 35 օր է չի ֆիքսում ոչ մի տեսակի արագության գերազանցում, քանի որ տեսանելի արկղի պարունակությունը (սարքավորում) բացակայում է: Միևնույն ժամանակ, այդտեղ տեղադրված է արագության սահմանափակման զգուշացման ցուցանակը:
Վերջինս կարելի է դիտարկել երկու տեսանկյունից. նախ կոպիտ խախտվում են վարորդի իրավունքները` ստեղծվում է խաբկանք, իբր փողոցը հսկվում է, այն ինչ տեղադրված է դատարկ արկղ և երկրորդը դա բարոյական կողմն է: Փաստորեն ստացվում է, որ նշված արագաչափը տվյալ կետում չի գոհացնում ոմանց սպասումները և այն տեղափոխվել է մի նոր փողոց, ուր ավելի շատ կխախտվի սահմանված արագության ռեժիմը (Սևան- Երևան) մայրուղի:
Խնդրում եմ Ձեր միջամտությունը տվյալ կոպիտ խախման վերաբերյալ:
Հ.Գ. Եթե արագաչափի սարքավուրումը անսարք վիճակում է, ապա զգուշացնող ցուցանակը պետք է հանվի այդ ժամանակահատվածում:
Քաղաքացի Ս. Սարգսյան
