Գյումրու նորընտիր քաղաքապետ Սամվել Բալասանյանի պաշտոնամուտի արարողության ժամանակ Շիրակի մարզպետ Աշոտ Գիզիրյանը մի ուշագրավ հայտարարություն է արել. «Իշխանափոխությունը սկսվեց մեր քաղաքից՝ խաղաղ ճանապարհով, առանց լարվածության եւ մեզ բոլորիս պետք է առողջ, հանգիստ մթնոլորտ»,-ասել է մարզպետը: Ի՞նչ նկատի ունի պարոն Գիզիրյանը՝ ասելով «իշխանափոխությունը սկսվեց...»... Սկսվելը ենթադրում է շարունակություն: Այսինքն՝ մարզպետը ուզում է ասել, որ իշխանափոխությունը սկսվելով Գյումրիից՝ շարունակվելու է նաեւ ողջ հանրապետությունո՞վ: Մարզպետի խոսքը ԲՀԿ-ակա՞ն իշխանափոխության մասին է, թե՞ խաղաղ ճանապարհով, փոխհամաձանությամբ իշխանությունը ՀՀԿ-ի ու ԲՀԿ-ի միջեւվ կիսելու, որովհետեւ Ս. Բալասանյանը որքան էլ լինի ԲՀԿ ներկայացուցիչ, նաեւ, ու ավելի շատ՝ ՀՀԿ առաջնորդ Սերժ Սարգսյանի առաջ քաշած քաղաքապետն է...
