Tert.am–ը գրում է.
Ուկրաինայի Նախագահ Պետրո Պորոշենկոն հայտարարել է, որ իր տիկնոջ հետ պայմանավորվել է, որ նա իրեն չի շնորհավորի Փետրվարի 23-ի՝ «տղամարդկանց տոնի»՝ Խորհրդային զինվորի օրվա առիթով:
ՌԻԱ Նովոստիի փոխանցմամբ՝ Պորոշենկոն համապատասխան գրառում է արել Facebook.-ի իր էջում: Գրառման մեջ Պորոշենկոն նկատել է, որ իներցիայի ուժով կանայք շնորհավորելու են տղամարդկանց, սակայն պետական-քաղաքական տոնի կարգավիճակից Փետրվարի 23-ը մեկընդմիշտ զրկված է:
Ուկրաինայի նախագահը տեղեկացրել է, որ իրեն շնորհավորելու համար իր կինը կսպասի մինչև հոկտեմբերի 14-ը:
Պորոշենկոն նաև չեղարկել է Փետրվարի 23-ը Ուկրաինայում. դրա փոխարեն նոր պետական տոն է սահմանվել՝ Ուկրաինայի պաշտպանի օրը, որը նշվելու է հոկտեմբերի 14-ին:
Փետրվարի 23-ը սահմանել էր ԽՍՀՄ-ը 1922-ին՝ ի սկզբանե որպես Կամիր բանակի և նավատորմի օր: Այժմ պաշտոնապես նշվում է Ռուսաստանում, Բելառուսում, Ղրղըզստանում: