Tert.am-ը գրում է․
Իր երկարամյա կարիերայի ընթացքում հայտնի լիբանանահայ երաժիշտ, ջութակահար Արա Մալիկյանը երբեք չի դադարել զարմացնել:
Ինչպես գրում է El periodico-ն` Արա Մալիկյանի նոր մարտահրավերն է` մարտի 26-ին` Suite Festival փառատոնի շրջանակներում, համերգով հանդես գալը Բարսելոնայի «Գրան Լիսեու» թատրոնում:
«Դա կլինի 30 տարում իմ կատարած ամենատարբեր գործերի, ինչպես նաև` իմ հեղինակած ստեղծագործությունների ամփոփումը: Իմ ստեղծագործություններում գերակշռում է արևելյանը: Սովորաբար այն, ինչ արևելյան է, հանգիստ է հնչում: Այն, ինչ ես եմ ներկայացնում, տարբերվում է», - ասել է երաժիշտը:
Ջութակահարն իր ծրագրում ներառում է հարգանքի տուրք մատուցել Հայոց ցեղասպանության զոհերի հիշատակին: Լիսեուի համերգի ժամանակ նրան կմիանան 12 երաժիշտ` որպես հակական ժողովրդական երաժշտության մասնագետներ:
«Լրանում է կոտորածների 100 տարին: Սա միլիոն ու կես զոհերի հիշատակը հարգելու և պատմական ճշմարտությունը ճանաչելու միջոց է: Հայերս ոչինչ ավելին չենք ուզում: Կան երկրներ, որոնք չեն ճանաչել Ցեղասպանությունը: 100-րդ տարելիցը լավ հնարավորություն է դա անելու համար»: