Տառականներ, առնետներ, քամելիոններ… Ինչքան շատ են… Պահանջարկված ու միշտ ղեկավարների, տո’ բոլորի համար բաղձալի, ցանկալի անասնակերպերը… Լիքն են, շատ-շատ են…
Տառականներ, առնետներ…
Հազարամյակներ, միլիոնավոր տարիներ գոյատևում են… Գոյատևում, զարգանում, բազմանում, կատարելագործվում… Ինչ մետերոիտներ, տարերային աղետներ, ինչ կլիմայական փոփոխություններ, ինչ ռադիացիա…Նրանք գիտեն, որ իրենց կարիքը կա, որ իրենք շատ «կարևոր» են` անխնա բազմանում ու բազմանում են…
Կյանքում էլ է նույնը, ազնիվ մարդիկ պետք չեն` «կռիսանմաններ», խոսք տանող-բերող, խառնակիչ, հետույքասեր, հազար երեսանի, տակ փորող, անինքնասեր, գլուխ գովան, փառասեր, շահամոլ մարդիկ են պետք… Նմանները մշտապես գնահատվում են և ցանկալի են, այդպիսիք շատ են, լիքն են, նրանք մեր կողքն են, մեր շուրջը, շուրջ բոլորս` խավարասերներ, առնետներ… Լիքը, շատ, պահանջված… Տեղական, երկարատև օգտագործման…
