Այն, որ մերօրյա Հայաստանում շատ-շատ կան աղանդներ, դրանում երկու կարծիք լինել չի
կարող: Բոլորիս քաջ հայտնի է այն փաստը, որ աղանդավորները հոգեորսությամբ և
փողոցներում քարոզներով են զբաղված, որը արգելված է և՛ օրենքով, և՛ բարոյապես: Եվ
հարց է ծագում, ինչու՞ մեր իշխանությունները, ոստիկանությունը, ՆԳՆ-ը չեն պայքարում
դրանց դեմ:
Այն, որ աղանդավորների շրջանում իրենց այսպես կոչված <<հովվի>> ասածը օրենք է, և
բոլորը մեկ մարդու նման հլու հանազանդ առանց հասկանալու ընդունում և առաջնորդվում
են նրա ասածներով, դա փաստ է: Բոլորին հայտնի է նաև այն փաստը, որ աղանդների
գործառույթը, ոչ միայն <<կրոնական >> է, այլ նրա հետևում կա նաև բիզնես, ու ահռելի
գումարներ են աշխատում աղանդների վերնախավում նստած մարդիկ:
Արի ու տես, որ ամեն գալիք ընտրություններից առաջ, աղանդների վերնախավի անդամները
իշխանության մոտ <<Պեռվի կռուգ>> տղերքն են, որոնք հստակ ընտրողների թիվ են
ներկայացնում, և դրա դիմաց ստանում ընտրակաշառք (ահռելի մեծ գումարներ) : Եվ հովվի
միջոցով մնացածներին հորդորում են, թե ում պետք է ընտրի և այլն:
Այս նույն գործընթացը եղել է և շարունակվելու է Հայաստանում: Բնականաբար
իշխանությունները ամեն ինչ անում են, որպիսի հաջորդ ընտրություններից հետո էլ մնան
իշխանությունում, այդ իսկ պատճառով ինչպե՞ս կարող են պայքարել և օրենքով պատժել մի
կազմակերպության, որը իրեն հավաստիացնում և ԱՐԴԱՐԱՑՆՈՒՄ է միշտ: Հարցը
մտահոգիչ է, և հասարակությունը ակտիվ պետք է պայքարի քայքայիչ աղանդների դեմ, որը
նաև մեծ սպառնալիք է ազգի ապագայի համար:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել