«Մինչ ազգովին մեր ներսի ցավն էինք փորձում ամոքել, ազերիները մեր դիմադրողականությունն էին փորձում սահմանի վրա: Բայց, բարեբախտաբար, արդեն մի քանի օր է սահմանում հարաբերական անդորր է, ավելի ճիշտ, զոհեր ու վիրավորներ չունենք: Փոխարենն Ադրբեջանը զարմանալիորեն բարձրաձայնում է իր կորուստների մասին:
Տարեսկզբից մեր կորուստը չափազանց շատ էր: Յուրաքանչյուր զինվորի կյանք մեզ համար շատ թանկ է, և մենք հրադադարի պայմաններում իրավունք չունեինք այսքան զոհ տալու: ՊՆ-ի մեր աղբյուրները փոխանցում են, որ Հայաստանի պաշտպանական համակարգը նոր ռազմավարություն է գործի դրել, որը դեռ իր արդյունքներն առաջիկայում պետք է ցույց տա:
Մշտապես պաշտպանվող Հայաստանն առավել ակտիվ է լինելու և թշնամուն «թշնամաբար» է պատասխանելու: Նոր մարտավարությունը, բնական է, ռազմական գաղտնիք է, և մեր աղբյուրը չցանկացավ հանգամանորեն բացահայտել այն, միայն նշեց, թե այդ մեթոդը ներդրվել է, որ անկանխատեսելի հակառակորդը հասկանա, որ միայն ինքը չէ, որ կարող է նախահարձակ լինել ու կորուստներ պատճառել հայկական բանակին: Ի դեպ, այս օրերին պաշտպանության նախարարությունն աշխատում է «հատուկ» ռեժիմով, անգամ շաբաթ-կիրակի օրերին են աշխատակիցներն իրենց «տեղերում»: Նախարարությունն ամբողջ թափով լծվել է պաշտպանական գործի իրագործմանը:
Բանակի օրվան ընդառաջ գուցե նոր մարտավարությունը լավագույն նվերը լինի սահմանին կանգնած զինվորի համար, ում կյանքն ամեն վայրկյան թիրախի տակ է»,–գրում է թերթը։