Վերջերս բարձրացված (և դեռևս շարունակվող) սկանդալը՝ կապված «Մոսկվայի արձագանքը» ռադիոկայանի հաղորդավար Ալեքսանդր Պլյուշչևի թվիթի հետ, ով հարցրել էր իր հետևորդներին, թե արդյո՞ք կապ կա Նախագահի Աշխատակազմի ղեկավարի որդու մահվան և Աստծո գոյության միջև, հանգեցրեց ոչ միայն հայտնի ռադիոանձնավորության աշխատանքից հեռացնելու գործընթացին: Իրականում, կարելի է ասել այն մասին, որ վերջին մի քանի տարում ստեղծվել է և գոյություն ունի նոր համակարգ` պատասխանատու նրա համար, թե ինչպես ենք մենք մեզ պահում հանրային Համացանց-տարածքում.
1. Թվում է, թե շուտով ընկերությունների ոչ միայն «խոսող գլուխները», այլև բոլոր աշխատակիցները աշխատանքի ընդունվելիս պետք է սոցկայքերում պահվածքի չափանիշների մասին փաստաթուղթ ստորագրեն: Իսկ մինչ այդ, առաջարկում ենք վերհիշել սոցիալական ցանցերում անհաջող գրառումների և այդ նույն կայքերում անմտածված վարքի հետ կապված հայտնի սկանդալները:
Առաջինը, պետք է ընդունել, որ ֆեյլերը (fail) և ֆաքափները (fuckup) սոցցանցերում համազգային հասկացողություն է, որը չունի սեռատարիքային տարբերակումներ: Արտասահմանյան ամենահայտնի սյուժեների շարքում հարկ է հիշել պատմությունն այն մասին, թե ինչպես Օբամայի աշխատակազմում տրոլ են բռնել: 2013 թվականի հոկտեմբերին Օբամայի աշխատակազմի ազգային անվտանգության աշխատակից Ջոֆի Ջոզեֆը (Jofi Joseph), հեռացվեց աշխատանքից այն բանից հետո, երբ ներքին հետաքննության ենթարկվեց Թվիթերում «@NatSecWonk» մականունով հայտնի տեղեկատվության աղբյուրը:
Էջը ստեղծվել էր 2011 թվականի փետրվարին: Դրա միջոցով Ջոզեֆը տարիներ անցկացրեց` ծաղրելով ազգային անվտանգության քաղաքականությանը և աշխատակազմի ղեկավարությանը և, նույնիսկ, ի ցույց դնելով կարևոր տեղեկություն անվտանգության մասին: Բացի այդ, Ջոզեֆի թվիթերից շատերը վիրավորական էին կանանց համար:
2. 2013 թվականի դեկտեմբերին Empire Interactive նյու-յորքյան ինտերնետ կորպորացիայի կապի և հաղորդակցության գծով տնօրեն Ժյուստին Սակոն (Justine Sacco) հեռացվեց աշխատանքից այն բանից հետո, երբ հիմար և ռասիստական բնույթ կրող թվիթ ուղարկեց Լոնդոն-Քեյփթաուն (Cape Town) չվերթից վայրէջք կատարելուց առաջ: Թվիթում գրված էր հետևյալը. «Թռչում եմ Աֆրիկա: Հուսամ` ՍՊԻԴ-ով չեմ վարակվի: Կատակում եմ: Չէ՞ որ ես սպիտակամորթ եմ»:
3. Անմտածված թվիթերը և հրապարակումները սոցկայքերում հաճախ են խառնվում քաղաքականությանը: Այսպես, 2009 թվականին ներկայումս լայն ճանաչում ունեցող ուկրաինական քաղաքական գործիչ Արսենի Յացենյուկը հայտնվեց սկանդալի կենտրոնում, երբ նրա այն ժամանակվա բլոգ-քարտուղարը, LJ (LiveJournal) էջից ելք չտալով, իր հակառակորդի մասին գրեց մոտավորապես հետևյալը.
Ինչից հետո Յացենյուկին PR անողները երկար ժամանակ հուսահատ էին, քանի որ նրա մամուլի ասուլիսներում հարցնում էին միայն նրա բերանի և մոր մասին:
4. Սակայն պետք չի կարծել, թե հայրենական ցանցային լանդշաֆտն աղքատ է նման սյուժեներով: Ահավասիկ, վերջին երեք տարվա մի շարք հայտնի պատմություններ: Այսպես, «Աերոֆլոտ»-ի ղեկավարությունը 2012 թվականի մայիսին հեռացրեց աշխատանքից ավիաընկերության ուղեկցորդուհի Եկատերինա Սոլովյովային, ով ցինիկ կերպով ծիծաղեց Ինդոնեզիայում Sukhoi SuperJet 100 ինքնաթիռի անհետացման վերաբերյալ տեղեկության վրա: Երբ հայտնի դարձավ, որ ինքնաթիռն անհետացել է, Սոլովյովան գրեց հետևյալը. «Իսկ ի՞նչ է, սուպերօդանավը փլվեց: ՀԱՀԱՀԱ՜: Խարխո´ւլ մեքենա: Ցավոք, Աերոֆլոտի ինքնաթիռը չի` գոնե մեկով կնվազեր: Իսկ միգուցե, ընդհանրապես, որևիցե մեկին հե՞տ տային այդ ինքնաթիռները»:
5. Ընդհանուր առմամբ, 2012 թվականը խոշոր բրենդերի համար «պտղաբեր» էր SMM-սկանդալների առումով: Այդ նույն տարվա օգոստոսին մեծ աղմուկ բարձրացրեց Ռուսաստանի Սբերբանկ ԲԲԸ-ի ահա այս պաշտոնական թվիթը.
Հաջորդ օրն իսկ հրապարակման հեղինակը զրկվեց աշխատանքից, երբ Ռուսաստանի Վետերանների Միությունը վրդովված նամակ գրեց Սբերբանկի ղեկավար Գերման Գրեֆին:
Լրագրողներից, PR անողներից և SMM-մասնագետներից բացի, սոցկայքերում գրառումներ կատարելու համար ուղղորդվում էին նաև պաշտոնյաներ: Տնտեսական զարգացման նախարարության փոխնախարար Սերգեյ Բելյակովը Facebook-ում գրառում հրապարակեց, որում ներողություն խնդրեց «իրենց արած հիմարությունների» համար և հայտնեց, որ ինքն «ամաչում է SPF միջոցների ներդրման վրա կիրառված սառեցումը երկարաձգելու մասին որոշման» համար: Հենց հաջորդ օրը Բելյակովը հեռացվեց աշխատանքից:
6. Ամենահետաքրքրական դեպքը, թերևս, կարելի է համարել, Օմսկի «Պանրի» գործարանի աշխատակիցների կոլեկտիվ ելույթը, որոնք կաթի լոգանք էին ընդունել հենց աշխատավայրում, լուսանկարվել նրա մեջ և նկարները տեղադրել սոցցանցում: Արդյունքում, Ռոսպոտրեբնադզորը մի քանի ամսով փակեց գործարանը սանիտարական նորմերի խախտման համար, իսկ աշխատողները հեռացվեցին աշխատանքից:
