Այսօր ոչ բոլոր «իսկական տղամարդիկ» են ընդունում ժամանակակից հավելվածները. ամեն ինչ պետք է առանց օգնականների արվի։ Հենց այդպիսի բրուտալ մտածողության տեր տղամարդկանց համար էլ ստեղծվել են այս սարքավորումները, որոնք գրավում են իրենց գործառույթներով և մաքուր տղամարդկային «արտաքինով»։
Թռիչքային ժամեր
Էլիտար ժամացույցներ արտադրող MB&F ընկերության արտադրանքը A-10 մոդելի ինքնաթիռի տուրբին է հիշեցնում։ Նրանք, ովքեր երազում են երկնքի կամ ղեկը ձեռքը վերցնելու մասին, ապա այս ժամերը հենց նրանց ճաշակով են։ Բացի այդ, այս ժամացույցների ոչ միայն արտաքինն է «երկնային», այլև հենց ինքը` ժամացույցը։ Այն պատրաստված է տիտանի համաձուլվածքից` ինչպիսին հենց ինքնաթիռի ֆյուզելյաժն է։ Իհարկե պարզ է, որ այն էժան չի արժենա։ Միջին գինը տատանվում է 7 միլիոն ռուսական ռուբլու սահմաններում։
«Հրազենային» սափրվելու խոզանակ
Սափրվելու խոզանակ «Վեցլիցքանի ռեվոլվեր»` այն էքստրեմալների համար, ովքեր դեռ օգտվում են վտանգավոր ածելիներից։ Խոզանակի հիմքն ալյումինից է, ինքը` խոզանակը` գորշուկի բնական մորթուց։ Բայց ամենակարևորը`այն լիցքավորված ռեվոլվերի թմբուկի տեսք ունի` 44 կամ 38 տրամաչափի փամփուշտներով։ Գինը` սկսած 4 հազար ռուբլուց։
Տիտանե սմարթֆոն
Այն տղամարդկանց համար, ովքեր հասել են իրենց բարձունքին և պահպանել են իրենց բարձր դիրքը, Vertu–ն հատուկ տիտանե սմարթֆոններ է արտադրել։ Gresso Regal R1–ի ծածկն ամբողջովին ձեռքով մշակված 5–րդ դասի տիտանից է, որն օգտագործվում է ավիացիոն և տիեզերական արդյունաբերության մեջ։ Առանձին հատվածները 18 կարատանոց ոսկուց են։ Թանկարժեք արտաքին տեսքը ոչ միայն գեղեցիկ է, այլև ամուր։ Դրանք արտադրվում են անձնական համարներով, որը կարող եք ամրագրել Gresso–ի կայքում։
Եվրոպայում և Ամերիկայում այս հեռախոսներն արժեն 3000-5000 դոլար, իսկ ՌԴ–ում` 80-150 հազար ռուբլու սահմաններում։ Եվ հատկանշական է, որ ռուբլու արժեզրկումից ու կուրսի տատանումից հետո էլ սրա գինը չի փոխվել։
Մատանի–ածելի
Նրանց համար, ովքեր օրեկան մի քանի անգամ սափրվում են կամ հակառակը` սիրում են մորուք պահել, ստեղծվել է այս արտասովոր մատանի–ածելին։ Այն առանց էլեկտրականության է աշխատում, հեշտ օգտագործվում է, հեշտ էլ մաքրվում։ Թվում է, թե սափրվում ես, բայց մազերն ասես չեն էլ եղել։ Սա մի թերություն ունի` դեռ խանութներում վաճառքի դրված չի։ Ու նաև սա ձեռքին պետք չէ մոռանալ և գլուխը քորել։
Պլանշետ–մարզասարք
Այսօրվա պլանշետային համակարգիչներն աչքի են ընկնում իրենց թեթևությամբ և բարակ ծածկով։ Բայց մարզված տղամարդկանց ձեռքերում այդպիսի «խաղալիքները» կարող են ուղղակի կոտրվել։ Նրանց համար, ովքեր սովոր են մարզադահլիճներին և ծանր մարզասարքերին, արտադրվել են հատուկ Getac Е110 պաշտպանված պլանշետները` մետաղական ծածկով։ Այն 1,5 կգ է կշռում և կարող է հեշտությամբ փոխարինել «գանտելին»։ Այն աշխատում է ОС Windows բազայի վրա և արժե 150 հազար ռուբլի և ավելի։