Նավթի գների կտրուկ անկումը, ըստ էության, լուրջ խնդիրներ պետք է ստեղծի ադրբեջանական տնտեսության համար, քանի որ իրենց տնտեսության 90 %-ը ծածկվում է հենց նավթից գոյացած գումարների հաշվին:
Այսօր արդեն կարելի է ասել, որ նրանց մոտ առկա է տնտեսական անկում, որը խուճապ է առաջացրել իշխանությունների մոտ: Քանի որ ի հայտ են գալիս իշխանությունների կողմից սեփական ժողովրդին խաբելու հիմնավորումները, թե իբր իրենք ունեն կայուն տնտեսություն:
Ուստի չեմ բացառում, որ սահմանին տեղի ունեցած ցավալի միջադեպի պատճառը կարող է լինել հենց այս փաստը, որը Ադրբեջանի իշխանությունները փորձում են լարել առկա չլուծված հակամարտությունը և այդ միջոցով սեփական ժողովրդի մոտ սաստել առաջացող դժգոհության ալիքը:
Սակայն արդեն այս տարվա ավարտին իրենց բյուջեի կատարողականն ի ցույց կդնի այդ ամենը, և չի բացառվում՝ նոր սադրանքների դիմեն:
Ուստի այսօր, ավելի քան երբևէ, մենք պետք է լինենք միահամուռ և սեփական ինքնակայացման համար տեղիք չտանք նրանց քարոզչական զառանցանքին: