Շատ մարդիկ Օդրի Հեփբերնին ճանաչում են դասական ֆիլմերում ունեցած իր դերերով։ Ծնված լինելով Բելգիայում՝ Օդրին իր մանկության տարիներն անց է կացրել Բելգիայում, Անգլիայում և Նիդերլանդներում՝ սովորելով բալետ պարել։ Օդրիի դերասանական կարիերան սկսեց այն բանից հետո, երբ Բրոդվեյում «Ջիջի» ներկայացման մեջ խաղալուց հետո նա իր առաջին կարևոր դերը ստացավ «Հռոմեական արձակուրդներ» ֆիլմում։ Իր կարիերայի ընթացքում Օդրի Հեփբերնը բազմաթիվ մրցանակների է արժանացել, ու մինչև այժմ էլ նա այն քիչ աստղերից է, ով ստացել է թե՛ Էմմի, թե՛ Գրեմմի, Օսկար և թե՛ Թոնի մրցանակները։ Չնայած նրա աշխատանքները Հոլիվուդում բավականին հայտնի են, այնուամենայնիվ, 40 տարեկանից հետո նա շատ քիչ է նկարահանվել ֆիլմերում՝ ավելի շատ աշխատելով UNICEF-ի հետ։ Իր կյանքի մնացած տարիները նա անց է կացրել Աֆրիկայի, Հարավային Ամերիկայի ու Ասիայի զարգացող երկրների աղքատների հետ աշխատել։ Օդրի Հեփբերնը ապացուցել է, որ գեղեցիկ կանայք կարող են նաև ուժեղ ու ինելեկտուալ լինել, որն առավել ակնառու էր 1950-1970-ականներին։ Օդրի Հեփբերնը խոսում էր անգլերեն, ֆրանսերեն, գերմաներեն, իտալերեն, իսպաներեն ու հոլանդերեն։ Այս բազմակողմանի զարգացած հմուտ կինն իր կյանքն այնպես է ապրել, որ կարելի է միայն սովորել։
1 Ապրիր կյանքդ
Ամենակարևորը կյանքը վայելելն է՝ երջանիկ լինելը. դա է միակ կարևոր բանը։
Ագահությամբ ու իշխանության ծարավ ունեցող մարդկանցով լի այս աշխարհում լավ է, որ միշտ հիշեցնես ինքդ քեզ, որ կյանքը պարզապես ապրելու համար է։
2 Մի մոռացիր մյուսների մասին
Տարիքի հետ դու կբացահայտես, որ երկու ձեռք ունես՝ մեկն ինքդ քեզ օգնելու, մյուսն ուրիշներին օգնելու համար։
Այս միտքը հիշեցնում է քեզ, որ ինչ-որ տեղ ինչ-որ մեկն օգնության կարիք ունի, և եթե դու կարող ես օգնել ինչ-որ բանով, ապա պետք է անես դա: Ինչևէ, այն նաև նշում է, թե որքան կարևոր է օգնել ինքդ քեզ, որպեսզի ի վիճակի լինես օգնել նաև մյուսներին։
3 Առանձնանալը կարող է օգտակար լինել
Ես պետք է հաճախ միայնակ լինեմ։ Ես ուրախ կլինեի, եթե շաբաթ գիշերվանից մինչև երկուշաբթի առավոտյան միայնակ մնայի իմ բնակարանում։ Հենց այդպես է, որ ես լիցքաթափվում եմ։
Հազվադեպ է հայտնի մարդուց լսել ուշադրության կենտրոնից դուրս գալու կարևորության մասին։ Չնայած մենք բոլորս ցանկանում ենք մեր նպատակներին հասնել կյանքում ու աշխատանքում, մենք պետք է հիշենք այն պարզ ճշմարտությունը, որ ավելի լավ ենք ամեն ինչ անում, երբ բավականաչափ հանգստանում ենք ու կյանքին բալանսավորված վերաբերվում։
4 Մեր գործերն են մեզ բնորոշում
Դու կարող ես ավելին ասել մարդու մասին ելնելով այն բանից, թե ինչ է նա ասում մյուսների մասին, քան այն բանից, թե ինչ են մյուսներն ասում նրա մասին։
Այս հակիրճ միտքը լավ հիշեցում է այն մասին, որ գործերն ավելի բարձր են խոսում, քան բառերը։
5 Երջանկությունը պարզ երևույթ է
Մի անգամ ես մի սահմանում լսեցի. «Երջանկությունը առողջությունն է և կարճատև հիշողությունը», երանի ես դա հորինեի, որովհետև դա իսկապես ճիշտ է։
Այս հրաշալի միտքը հիշեցնում է մեզ գնահատել մեր կյանքի հրաշալի բաները, քանի դեռ մենք ունենք դրանք։
6 Գնահատեք պահը
Ապրելն ասես թանգարանի միջով անցնել լինի։ Միայն հետո է, որ սկսում ես ընկալել այն, ինչ տեսել ես, մտածել դրա մասին, գրքերում դրանց մասին կարդալ ու հիշել, որովհետև չես կարող այդ ամենը միանգամից ընկալել։
Այս գեղեցիկ համեմատությունը տպավորիչ կերպով է ստիպում մեզ մտածել մեր կյանքի մասին։ Հատկապես մի այնպիսի աշխարհում, որտեղ մենք նախ լուսանկարում և միայն դրանից հետո է, որ ապրում ենք այն։ Սա հրաշալի հիշեցում է, որ մենք պետք է վայելենք պահը։
7 Գնահատիր ձայնդ
Ինչո՞ւ փոխվել, բոլորն էլ իրենց հատուկ ոճն ունեն, երբ դու գտնես այն, դու պետք է կառչես դրանից։
Այս մոտիվացիոն միտքը ցույց է տալիս, որ դու պետք է կարողանաս գնահատել քո յուրահատուկ որակները։ Յուրաքանչյուր մարդ ունի իր ձայնը, և Օդրի Հեփբերնը հասկանում է, որ պետք է հենց այս ներքին կողմնացույցին վստահել, որը ցույց կտա, թե ինչն է կյանքում լավագույը քեզ համար։
8 Օգտվիր հնարավորություններից
Ես հաջողակ եմ եղել։ Հնարավորությունները հաճախ չեն գալիս։ Այնպես որ, երբ դրանք կգան, բռնիր դրանք։
Մենք չպետք է թերագնահատենք այն հնարավորությունները, որ ունենում ենք կյանքում ու չպետք է թույլ տանք, որ վախը խանգարի մեզ հասնել դրանց։
9 Չափազանց կոշտ մի եղիր ինքդ քո նկատմամբ
Ես իմ կյանքը լուրջ չեմ ընդունում, սակայն ես միշտ լուրջ եմ ընդունում այն, ինչ անում եմ։
Եվս մի տպավորիչ հիշեցում այն մասին, որ կյանքը պետք է վայելել առանց սթրեսի մեջ հայտվելու, որը ցույց է տալիս, որ մենք պետք է տարբերենք մեր նպատակների հանդեպ ունեցած լուրջ վերաբերմունքն ու չափազանց շատ ինքնաքննադատությունը։
10 Միշտ բարձրին ձգտիր
Ես միշտ փորձել եմ ավելի լավն անել, միշտ ավելի հեռուն նայել։ Փորձել եմ ինքս ինձ զարգացնել։
Հաջողության տանող ճանապարհը մեզնից յուրաքանչյուրից ավելի շատ աշխատանք ու ամեն օր կատարելագործվելու համար քայլեր է պահանջում։
