 |
Անուշանահիտ Հելոուինն իմ չսիրած տոներից մեկն է` թե ձևի, թե բովանդակության տեսակետից: Բայց հանգիստ եմ վերաբերվում, եթե որևէ մեկն ուզում է նշի, ու դա իրեն ուրախացնում է: Ուրիշ խնդիր ա, որ ոնց որ դառել ա հայկական մի տոն: Դա մերը չի: Սա պետք ա հիշել: |
 |
Էրիկ Անթառանյան ԲԱՑԱՍԱԿԱՆ !!!!!!!!!!!!!!!!! Պետք է արգելել և եկեղեցուն տալ լուրջ արտոնություններ հակափիար անցկացնելու: |
 |
Angel Dayan Առաջին հերթին համոզված եմ, որ նմանատիպ տոներին չպետք է այդպես կատեգորիկ վերաբերվել, քանի-որ ցանկացած տոնի նպատակն է մարդկանց տրամադրությունը բարձրացնելը և լավ ժամանակ անցկացնելը: Ու բացարձակ կարևոր չէ դա ազգային տոն է, թե ոչ, քանի-որ մասնակցելով որևէ այլ ազգի տոնին՝ դու հաստատ դավաճան չես դառնում, ավելին, ուսումնասիրում ես այլ մշակույթ: |
 |
Ashot Sargsyan Individum Ես կուզեի, որ արտասահմանից բերվող տոները մի քիչ ավելի բարի լինեին ու հետաքրքիր... Վերջապես մահացած հեքիաթային դաժան կերպարների տոն, որում ոչ մի դրական խորհուրդ չկա ... |
 |
Vanuhi Malakian Ամենաշատ հունից հանող հանգամանքն էս հարցի հետ կապված Առաքելական եկեղեցու դիրքորոշումներն ու մեղադրական ճառերն են: Եթե հայ առաքելական եկեղեցին դատապարտում է, որ որոշ մեր հայրենակիցներ այդքան եռանդով ու ոգևորությամբ նշում են այս տոնը, ապա թող մնացած` ավելի լուրջ ու Հայաստանի ապագայի ու քրիստոնեության ճակատագրին սպառնացող վտանգներն ու խնդիրներն էլ լուծի ու դատապարտի: Մենք ավելի կարևոր խնդիրներ ունենք, ու եթե մարդիկ նշում են Հելոուինը, նշանակում է եկեղեցին շատ հարցերում թերացել է և շարունակում է թերանալ: TV-ներով անիմաստ մեկնաբանություններ անելու փոխարեն թող իրենց կյանքով օրինակ ծառայեն, ապրեն նենց, որ Առաքելական եկեղեցու հետևորդները` մենք հայերս, մեր հոգևոր առաջնորդներին մեր առաջ օրինակ տեսնելով, անգամ մանր հարցերում չշեղվենք: Ինքս ատում եմ այս տոնը, քանի որ տխուր հիշողություն ունեմ այս տոնի հետ կապված, բայց ոչինչ` դրա դեմ: Երիտասարդներն ուրախանում են, ցրվում են, կտրվում մի փոքր էս գաղջ իրականությունից, թողեք թող ուրախանան, ով ոնց ուզում է և ճիշտ է գտնում: |
 |
Տիգրան Խաչիկյան Ես չգիտեմ, թե Անգլիայում, ԱՄՆ-ում և այլ երկրներում halloween-ը նշելիս մարդիկ կոնկրետ ինչ գաղափարներով են առաջնորդվում, բայց հաստատ կարամ ասեմ, որ Հայաստանում halloween-ը նշելիս ոչ ոք բացարձակապես գաղափարներով չի առաջնորդվում: Մեզ մոտ դա ամբողջովին տեղավորվում ա դիմակահանդեսի շրջանակներում: Եթե մեկը կարողանա բացատրել halloween-ի գաղափարը, միգուցե ես էլ սկսեմ տոնել այդ տոնը, բայց այս պահին ես ավելի շատ դեմ եմ այս տոնի նշմանը Հայաստանում: |
 |
Մանվել Կոստանդյան Չնայած մենք ունենք դրա հայկական տարբերակն ու կցանկանայի բոլոր ջանքերը գործադրել դրա զարգացման ուղղությամբ՝ սակայն նորմալ եմ համարում: |
 |
Գագիկ Մամուլյան Իմ համար միևնույնն է, դեմ չեմ ոչ նշելուն, ոչ չնշելուն: Իսկ ես երբեք չեմ նշել, բայց, եթե առիթ լինի մտերիմներով նշելու ուրախանալու, հաստատ ինչ-որ վատ բան չեմ տեսնի դրա մեջ: |
 |
Հայկ Խալաթյան Ինքս կողմ չեմ նշելուն, բայց ամեն մարդ թող ինքը որոշի` նշի, թե` ոչ: |
 |
Արմեն Աշոտյան Համարում եմ կոմերցիոն առիթ ժամանցային բնույթի ծառայություններ և ապրանքներ վաճառելու համար: Անկեղծ չեմ հասկանում, թե Հայաստանում դրա ինչն են նշում: |
 |
Սերգեյ Սարգսյան Դրական: Դա շատ զվարճալի և ուրախ տոն է: Մի քիչ կարելի է հանգստանալ մեռելոցներից և մի դրական բան էլ նշել: |
 |
Կարեն Թովմասյան Երբեք չեմ նշել բայց նորմալ եմ վերաբերվում: Ներկայիս գլոբալացվող աշխարհը ջնջում է սահմանները, եթե ինչ-որ տեղ ընդունված ավանդույթ կամ տոնակատարություն հրապուրիչ է թվում, մարդիկ հետևում են դրան: Ինչպես որ Վալենտինի օրն են նշում, այնպես էլ Հելոուին կարող են նշել, նորմալ է: |
 |
Արմեն Պետրոսյան Երբեք չեմ նշել և տոնել: Դա մեր տոնը չի, պետք է նշել մեր տոները: |
 |
Ara Aslanyan Լավ չեմ վերաբերվում նրան, որ մշակնախը ազգային տոների պոպուլիզացիայով չի զբաղվում նորմալ: Հելոուինին և մնացած պոպուլյար տոներին վերաբերվում եմ դրական:
|
 |
Անկախ Հայաստան Հելոուին տոնն ունի իր այսպես ասած «Շահառուները»: Այս տոնի «Շահառուները» իրենց լավ են զգում ու այդ օրը երջանիկ են իրենց զգում, ուրեմն ես, որ Չշահառու եմ, ոչ դրական, ոչ բացասական կարծիք եմ ասում: Բարի ժամանց եմ մաղթում տոնի բոլոր մասնակիցներին կամ նշողներին: Իսկ ինձ նման Չշահառուներին էլ խորհուրդ եմ տալիս ուղղակի զերծ մնալ որևէ մեկնաբանություններից: |
 |
Հայկ Հակոբյան Չեմ կարծում, որ Վազգեն Վեհափառի կամ Գարեգին Ա-ի կաթողիկոսության տարիներին Հայաստանում թեկուզ գաղտնի, նկուղներում տոնվեր Հելոուինը կամ Վալենտինը: Դրանով պետք է զբաղվեն եկեղեցուն կից երիտասարդական կառույցները: Ես ինքս ուղղակի բոյկոտում եմ նման «տոները»: Այնպես որ Հայոց եկեղեցին բավականին շատ անելիք ունի: Որպես Առաքելական եկեղեցու հետևորդ՝ Գեղարդավանքում կնքված, պատրաստ եմ մասնակցել եկեղուցու նախաձեռնած միջոցառումներին: Վստահ եմ՝ մի զարկով երկու նապաստակ կխփի եկեղեցին. ա. հեղինակությունը կբարձրանա և բ. սատանայականությունն ու անբարոյական Վալենտինի հետևորդները կվերանան Հայաստանից: |
