Հայաստանի գործող Սահմանադրությունով ևս կարելի է դարձնել երկիրը օրենքի ուժով առաջնորդվող երկիր, բացակայում է միայն կամքը: Եթե իշխանությունները ցանկություն ունենային այս տարիների ընթացքում երկրում գերիշխող դարձնել օրենքը, այլ ոչ թե «բեսպրեդելը», նրանք դա կարող էին անել նաև գործող Սահմանադրությամբ: Իսկ իշխանական համակարգի փոփոխությունը չի նպաստելու հասարակության կամ հանրապետության որևէ շահին: Եթե իշխանությունները ցանկանում են դրական փոփոխություն մտցնել ղեկավարման համակարգում, նախևառաջ նրանք չպետք է կեղծեին բոլոր տեսակի համապետական ընտրությունները, ինչի արդյունքում երկիրը կղեկավարեին ժողովրդի վստահության քվեն ստացած քաղաքական ուժերը և անձնիք: Սա հենց փաստում է, որ ներկա իշխանությունների համար այս բարեփոխումները միայն վերարտադրման միջոց են հանդիսանում, ինչի շնորհիվ ՀՀԿ-ն հնարավորություն կունենա ցմահ վերարտադրվել` հետևելով իրենց որդեգրած քաղաքականությանը` ընտրակեղծիքներ, կաշառք, ուժի կիրառում, ահաբեկում, վարչական լծակների օգտագործում: Եթե դեռ մարդ կա, ով հավատում է, թե ՀՀԿ-ն ի վիճակի է որևէ դրական բան անել մեր երկրի համար, ապա նա կամ բժշկի լուրջ հետազոտության կարիք ունի, կամ էլ, որն ավելի վատ է, հանրապետական է«
