99-ամյա Լիլիան Վեբերը մի յուրահատուկ հոբբի ունի: Նա սիրում է զբաղվել դերձակությամբ, սակայն իր տարբերություն մի շարք այլ դերձակների՝ նա իր կարած հագուստը ոչ թե վաճառում է, այլ նվիրաբերում աշխարհի տարրբեր անկյուններում բնակվող կարիքավոր երեխաներին: Վերջին երկու տարիներին տիկին Վեբերը համագործակցել է Փոքրիկ զգեստներ Աֆրիկայի համար ոչ առևտրային կազմակերպության հետ: Նա օրը մեկ զգեստ է կարել և այս կազմակերպության միջոցով ուղարկել Աֆրիկայի աղքատ աղջիկներին: Այս կնոջ յուրաքանչյուր օրը սկսվում է նոր զգեստի մոդելավորմամբ: Նա սկսում է աշխատել զգեստի վրա առավոտյան, կարճ ընդմիջում տալիս, իսկ կեսօրին արդեն վերջնական տեսքի բերում զգեստը: Մինչ օրս տիկին Լիլիանը մոտ 840 զգեստ է կարել: Մայիսի 6-ին տիկին Լիլիանը 100 տարեկան կդառնա: Նա ցանկանում է իր կողմից բարեգործական նպատակներով կարված զգեստների թիվը հասցնել 100-ի նախքան իր հարյուրամյակը: Սա դարձել է նրա բաղձալի երազանքը: Այս կինն այնքան մեծ ուրախություն է պարգևում երեխաներին, որ ինքն էլ է ներքին բավարարվածություն ստանում իր կատարած աշխատանքից:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել