Disabilityinfo.am-ը գրում է.
«Norsdtrom»-ի տրամադրած այս լուսանկարում հաշմանդամություն ունեցող և անվասայլակ օգտագործող մոդել է, ով երկարաճիտ կոշիկներ է ցուցադրում ընկերության հուլիսի կատալոգում, որը տարվա ամենամեծ իրադարձությունն է ընկերության համար, քանի որ ներկայացնում է աշնանային նոր տեսականու զեղչերը:
Ընկերությունն իր գովազդներում և կատալոգներում հաշմանդամություն ունեցող պրոֆեսիոնալ մոդելների է օգտագործում դեռ 1997 թվականից:
«Հաշմանդամության համաշխարհային ներառում» խորհրդատվական կազմակերպությունը վկայում է, որ հիմա քիչ ընկերություններ են համագործակցում հաշմանդամություն ունեցող մոդելների հետ, բայց դրանք հիմա ավելի շատ են, քան անցյալում, իսկ «Nordstrom» ընկերությանն անվանում է «արդյունաբերության առաջատար» այդ ոլորտում:
Հեշտ չէ նորաձևության և գեղեցկության բնագավառում հաշմանդամություն ունեցող մոդելների գտնել, մինչև որ ձեռքդ չընկնի «Nordstrom» կատալոգը:
Այս ընկերությունը, որը նորաձևության բարձրաճաշակ ներկայացուցիչ և մանրածախ վաճառող է, 1997 թվականից համագործակցում է հաշմանդամություն ունեցող մոդելների հետ: Ավանդույթը պահպանվում է նրանց ամենամյա հուլիսյան կատալոգում, որը վաճառողի ամենամեծ իրադարձությունն է` աշնանային նորաձևության զեղչերի մասին տեղեկությամբ:
Այս ամառ «Nordstrom» կատալոգում այլ մոդելներից բացի ընգրկված է նաև անվասայլակ օգտագործող մի կին, ով երկարաճիտ կոշիկներ է ցուցադրում և «Nike» ապրանքանիշի սպորտային կոշիկներ ներկայացնող պրոթեզավորված ոտքով մի տղամարդ:
Միացյալ Նահանգների Սիեթլ քաղաքում գտնվող այս ընկերությանն այնքան բնորոշ է հաշմանդամություն ունեցող մոդելների հետ աշխատելը, որ դրա մշտական գնորդները նույնիսկ չեն էլ գիտակցում երևույթի անսովորությունը:
-Հաշմանդամություն ունեցող մոդելների և դերասանուհիների հետ աշխատող ընկերություններ հայտնաբերելը նման են դեզի մեջ ասեղ գտնելուն,- ասում է «Հաշմանդամության համաշխարհային ներառում» խորհրդատվական կազմակերպության ներկայացուցիչ Մեգ Օ՛Քոնելը:
- «Nordstrom»-ն առաջատար ընկերություն է աշխարհում և երկար ժամանակ է, ինչ աջակցում է հաշմանդամություն ունեցող անձանց ներառմանը ոչ միայն գովազդներում ընդգրկելով, այլ նաև իրենց խանութները հարմարեցնելով և աշխատանք տրամադրելով նրանց,- ավելացնում է նա:
Հագուստները, որոնք ընկերության մոդելները կրում են, որևէ կերպ հարմարեցված չեն հաշմանդամություն ունեցող անձանց համար: «Nike» ապրանքանիշի սպորտային կոշիկներ ցուցադրող մոդելը մի կոշիկը հագել էր իր ոտքին, մյուսն` իր պրոթեզավորված սարքին: Իսկ անվասայլակին նստած մոդելը փանք արտաքին ունի` ցից-ցից մազեր, կրում է կաշվե մուգ բաճկոնակ և իհարկե վաճառվող առարկան` կարճ ճտքավոր կոշիկները:
«Nordstrom» ընկերության խոսնակ Թարա Դարոուն ասում է, որ հաշմանդամություն ունեցողոր մոդելների հետ աշխատելու նպատակը հասարակությանն ու սպառողներին արտացոլելն է.
-Մենք ծառայում ենք տարբեր գնորդների, իսկ սա հնարավորություն է նրանց համար տեսնելու հենց իրենց մեր կատալոգում կամ կայքում… Մենք չենք քարոզում դա կամ խոսում դրա մասին: Մենք ուղղակի կարծում ենք, որ նրանք հիասքանչ տեսք ունեն:
Օ՛Քոնելն ասում է, որ գովազդային և վաճառքի գործակալությունները կարող են «շրջադարձային կետ» դառնալ հաշմանդամություն ունեցող մոդելների ներառման տեսանկյունից: Նա նշում է, որ «H&M» և «Diesel» ապրանքանիշերը վերջերս նույնպես ցուցադրել են հաշմանդամություն ունեցող մոդելների, մինչ «Swiffer»-ը անդամահատված վերջույթով դերասանի է ներկայացրել, իսկ «Duracell»-ի գովազդում խուլ ֆուտբոլիստ է խաղացել:
Օ՛Քոնելն ավելացնում է, որ հաշմանդամություն ունեցող մարդիկ նաև մարքեթինգային մեծ նշանակություն ունեն, և ընկերությունները, որոնք հասկանում են սա, առավելություն կունենան:
