Աշխարհի 5 ամենախելացի երեխաները

Մահմուդ Վաիլ Մահմուդ: Ծնվել է 1999թ. հունվարի 1-ին: Գինեսի գրքում գրանցվել է` որպես մոլորակի ամենախելացի երեխա: Ինտելեկտուալ հարցաշարի արդյունքը հասկակիցների համեմատ ամենաբարձրն է եղել` 155: Երեխան ընդունակ է մտքում կատարել թվաբանական բարդ հաշվարկներ և լուծել մաթեմատիկական բարդ խնդիրներ` գիտելիքների պաշարով ու արագությամբ գերազանցելով եգիպտացի հայտնի գիտնականներին:

Փոքրիկը երազում է բժիշկ դառնալ:

Կիմ Ունգ-Յոնգ: Ծնվել է 1963թ.` Կորեայում: 5 տարեկանում տիրապետել է 4 լեզուների և լուծել մաթեմատիկական անալիզի խնդիրներ: 3-6 տարեկանում Կիմը սովորել է Hanyang համալսարանում: 7 տարեկան հասակում փոքրիկն աշխատանքի հրավեր է ստացել հայտնի НАСА-ից: 15 տարեկանում տղան Colorado State University-ում ստացել է ֆիզիկական գիտությունների դոկտորի աստիճան և ԱՄՆ-ում աշխատել մինչև 1978թ.: Այժմ նա Կորեայում է ու դասավանդում է համալսարանում: Գինեսի գրքում հայտնի է որպես աշխարհի ամենախելացի մարդ:

Գրեգորի Սմիթ: Ծնվել է 1990թ.: 2 տարեկանից երեխան կարդալ է իմացել, իսկ համալսարան ընդունվել է 10 տարեկան հասակում: Որպես աշխարհի ամենաշնորհալի երեխաներից մեկը` հանդիպել է Բիլ Քլինթոնի և Միխայիլ Գորբաչովի հետ:

Նա International Youth Advocates շարժման հիմնադիրն է:

Ակրիտ Յասվալ: 1993թ. Հնդկաստանում ծնված երեխայի ինտելեկտուալ թեստի արդյունքը 146 է: Ակրիտը հայտնի է դարձել 2000թ., երբ 7 տարեկանում անցկացրել է իր առաջին "վիրահատությունը": Նրա հիվանդն 8-ամյա հարևանուհին էր, ով այրվածքից չէր կարողանում բացել բռունցքը: Տղան, վիրահատական գործիքների բացակայությամբ, կարողացել է վերականգնել հարևանուհու մատների աշխատանքը:

Այժմ Յասվալը սովորում է Chandigarh College-ի բժշկական ֆակուլտետում: Նա Դելլիի բուհի ամենաերիտասարդ ուսանողն է:

Աելիտա Անդրեն ծնվել է 2007թ.: Իր առաջին նկարը նկարել է 9 ամսականում: 2012թ. կայացել է փոքրիկ նկարչուհու թվով երկրորդ անհատական ցուցահանդեսը: Աելիտան իր նկարների վաճառքից գրեթե մեկ միլիոն դոլար է վաստակել: