Շատերս մեծ երազանքներ ունենք, և մեզնից յուրաքանչյուրը կարող է կատարելագործվել և իր լավագույն եսը դառնալ ու հասնել իր երազանքներին: Իսկ ի՞նչն է, որ խանգարում է մեզ օգտագործել մեր ներուժն ու անել դա:
Ահա այն պատճառները, թե ինչու դու չես հասնում նպատակներիդ:
1 ...որովհետև կանգ ես առնում, երբ ամեն ինչ բարդանում է
2 ...որովհետև դու միանգամից արդյունք ես ակնկալում
Երբ մենք միանգամից արդյունք չենք տեսնում, սկսում ենք ընկրկել: Մեր ժամանակներում, երբ մենք ամեն ինչ միանգամից ենք ստանում ու ամեն ինչ արագ անում, ամեն ինչ ակնկալում ենք միանգամից ստանալ, այնինչ այս կյանքում ամեն ինչ ժամանակ է պահանջում: Այնպես որ, զարմանալի չէ, որ մենք այլևս չենք կարողանում անհրաժեշտ չափով աշխատել մեր ուզածին հասնելու համար: Երբ այն, ինչ ցանկանում ենք, միանգամից չենք ստանում, մեզ թվում է, թե այլև երբեք չենք ստանա դա, ու հանձնվում ենք` այն թողնելով մեր ապագա եսին, որպեսզի նա դա անի ավելի ուշ (եթե, իհարկե, նա դա երբևէ անի):
3 ...որովհետև հոսանքի հետ չես գնում
Երբ մենք որոշակի սպասումներ ունենք և մեր ճանապարհին ինչ-որ խոչընդոտ է հանդիպում, ծածկելով մեր ճանապարհը, մենք պարզապես կորցնում ենք մեզ ու չենք իմանում, թե ուր քայլել: Մենք դադարում ենք այլընտրանքային ճանապարհներ փնտրել կամ ավելի վատ` հետ ենք դառնում: Կարևոր նպատակների հասնելու համար մենք պետք է կարողանանք այնպիսի լուծումներ գտնել ու իրականացնել, որոնք նախկինում երբեք չենք փորձել: Երբեք չպետք է հիասթափվել, պետք է մարտահրավեր նետել խոչընդոտներին ու հիշել, որ կարևորը ոչ թե վերջնակետն է, այլ անցած ճանապարհը, որքան էլ կլիշե հնչի, այնուամենայնիվ, սա ճշմարտությունն է:
4 ...որովհետև դու չես կառավարում ժամանակդ
Դու ընդամենը 24 ժամ ունես օրվա ընթացքում, և քո ընտրությունն է, թե ինչպես դու կլցնես այդ ժամանակն ու ինչպես այն կօգտագործես: Մեր սովորությունները փոխելը, մեր ժամանակը կառավարելու ու այն ծախսելու որոշակի ձևերը փոխելը նույնպես ժամանակ է պահանջում, ու մեկ գիշերվա մեջ չի կարող փոխվել: Պարզապես հիշիր, որ քեզնից է կախված «ոչ» ասելն այն բանին, ինչը չի օգնում քեզ հասնել նպատակիդ: Դու երբեք էլ ժամանակ չես գտնի, դու պետք է կարողանաս այն ստեղծել:
5 ...որովհետև դու ծրագիր չունես
Նպատակիդ հասնել նշանակում է իմանալ, թե ուր ես քայլում: Վերջից սկսելն ու հակառակ ուղղությամբ կառուցելը ծրագիր կազմելու ամենահեշտ տարբերակն է, որը քեզ կառաջնորդի այնտեղ, որտեղ ուզում ես լինել:
Եթե դու չգիտես, թե ուր ես գնում և ուր ուզում հասնել` միայն մի արգելքն էլ բավարար է քեզ հետ պահելու համար: Պլաններ կազմելը քեզ կօգնի առաջ շարժվել դեպի այնտեղ, ուր ուզում ես լինել:
6 ...որովհետև դու դա բավականաչափ չես ուզում
Միգուցե դու ընտրել ես այդ նպատակները, որովհետև կարծում ես, որ դա այն է, ինչ մյուսներն են քեզնից սպասում: Երբ տեսնում ես, թե ինչ են անում մյուս մարդիկ, հատկապես երբ նրանք հաջողության են հասնում դրանում, դա ազդում է մեր ու մեր կայացրած որոշումների վրա: Մի ընկեք այն թակարդը, թե մենք պետք է անենք ամեն ինչ այնպես, ինչպես մյուսներն են արել նախկինում: Յուրաքանչյուր անհատ յուրահատուկ է, ու երկու ճանապարհներ երբեք ամբողջությամբ միևնույնը չեն լինում: Հավատարիմ մնա քո իրական ցանկություններին:
7 ...որովհետև դու պարզ չես գիտակցում, թե ինչու ես իրականում դա ուզում
Ամեն ինչ տանում այն հարցին, թե ինչու ենք մենք ուզում այն, ինչ ուզում ենք, ինչ ցանկանում ենք զգալ: Ինչի՞ հետևից ես գնում` հոգևոր իրական առումով, ի՞նչ ես ուզում ստանալ դրանից: Ո՞րն է որոշակի ձգտում ունենալու քո նպատակը: Եթե գիտես այդ նպատակը, երբեք մի դադարիր ինքդ քեզ այն հիշեցնել: Գրիր դա ննջարանիդ սենյակի պատին: Այն գրառման տեսքով ամրացրու համակարգչիդ էկրանին: Ամեն առավոտ արթնանալիս ինքդ քեզ հիշեցրու դրա մասին: Երբեք մի դադարիր հարցնել՝ ինչու: Դա կօգնի քեզ հիշել, թե ինչու և ուր ես գնում:
8 ...որովհետև դու ձգձգում ես ամեն ինչ
Որովհետև հետոյին թողնելն ու հետաձգելն ավելի հեշտ է, քան միանգամից դա անելը: Ինչ էլ դա լինի՝ ծուլություն, ոգեշնչվածության պակաս, վախ` հիշիր` երբեք հեշտ չէ անել այնպիսի բաներ, որոնք մեզ դուրս կհանեն հարմարավետության մեր սահմաններից: Ինքդ քեզ հարցրու՝ ինչն է քեզ հետ պահում անել այն, ինչ ցանկանում ես անել: Երբ հասկանաս, թե ինչն է քեզ հետ պահում, մի պահ կանգ առ, ոչինչ մի արա, և երբ պատրաստ լինես, պարզապես արա այն, ինչ պետք է անես: