Հարգելի առողջապահության նախարար, կներես, որ չգիտեմ անուն-ազգանունդ, դա իմ մեղքը չի, երբևէ եղե՞լ ես մարզային հիվանդանոցներում: Կոնկրետ Մարտունի քաղաքի հիվանդանոցում եղա՞ծ կաս: Մի անգամ առանց զգուշացնելու այցի գնա: Հսկա հիվանդանոցային շենքը ոնց որ երկրաշարժից հետո մնացած կառույց լինի, հիվանդասենյակները ոնց որ ռմբակոծված լինեն: Իսկ բժիշկների մասնագիտական կարողությունների մասին չեմ խոսում: Իհարկե, կան մի քանի նորմալ մասնագետներ, բայց հիմնական մասը վայ, վայ, վայ: Եթե ասածներիս չեք հավատում՝ Մարտունիից Երևան ուղեգրված հիվանդների երևանյան բժիշկներին հարցրեք: Հարցրեք, թե ինչ սխալ բուժումներ, սխալ ախտորոշումներ են տալիս: Ես այսքան ժամանակ մի բան հասկացա, որ այդ հիվանդանոցում կատարում են միայն կույրաղիքի վիրահատություն... Դե կաշառակերության մասին խոսելն էլ ավելորդ եմ համարում, որովհետև ինձ կասեք՝ փաստերով խոսա, որ պաշտպանվելու լավագույն և արդյունավետ միջոց է: Հիվանդանոցի առաջին հարկը իսկական առևտրի կենտրոն է հիշեցնում՝ խանութներ, կրպակներ, դեղատներ ու ամեն մեկը իր դիզայնով սարքած...Մի անգամ այցի գնացեք, պարոն նախարար:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել