Tert.am-ը գրում է.
Զաատարին որոշ ժամանակ առաջ ոչ խիտ բնակեցված բնակավայր էր Հորդանանի ու Սիրիայի սահմանին, սակայն 2012-ին, երբ սկսվեց սիրիական հակամարտությունը, այն վերածվեց աշխարհում փախստականների 2-րդ խոշորագույն ճամբարի։
Ինչպես նշում է The Daily Mail-ը, 3 կմ ձգվող ճամբարն ի սկզբանե նախատեսված էր 10.000 մարդու համար, սակայն այժմ այնտեղ կառուցված վրաններում ապաստան է գտել 130.000-ից ավելի մարդ։
Սիրիայում կառավարական ուժերի ու ընդդիմադիրների միջև զինված հակամարտությունը չի կարգավորում, ինչի հետևանքով օրական մի քանի հազար մարդ հատում է Հորդանանի սահմանը՝ ավելի ապահով կյանք գտնելու հույսով։
Այժմ ՄԱԿ-ը մեկ այլ ճամբար է կառուցում Հորդանանի տարածքում՝ Ազրաքում, որը կկարողանա տեղավորել 100.000 մարդու։
Սիրիացի փախստականների ծանր պայմաններն ու հուսահատությունը ցույց տալու համար The Daily Mail-ը ներկայացրել է UNHCHR-ի լուսանկարիչ Ջարեդ Քոհլերի տպավորիչ ֆոտոշարքը, որն արվել է Զաատարիում ու Ազրաքում։
Ամբողջական հոդվածը կարող եք կարդալ այստեղ