«Քրեակատարողական հիմնարկների վարչության պետ Հայկ Հարությունյանն այս ոլորտում մշտապես համարվել է սեփական խաղն առաջ տանող և արդարադատության նախարարների «թրի տակով» չանցնող մարդ: Ավելին, մեր աղբյուրի փոխանցմամբ, Հարությունյանը նախկին նախարար Հրայր Թովմասյանի հետ լարված մթնոլորտում է աշխատել, հաճախ հիշեցնելով, որ ինքն է իր գլխի տերը և նախագահին է միայն ենթարկվում, քանի որ նա է իրեն այդ պաշտոնին նշանակել:
Նույն աղբյուրի պնդմամբ, չնայած նոր նախարար Հովհաննես Մանուկյանի համատեղ աշխատելու ջանքերին, ՔԿՀ վարչության պետն աներեր է, շարունակում է միանձնյա որոշումներ կայացնել: Մեր դիտարկմանը հնարավոր չէ՞ ինչ-որ կերպ «սանձել» հիշյալ պաշտոնյային, հակադարձեցին. «Երկար տարիներ ոստիկանապետ է աշխատել, բոլորի «դոսիեներն» ունի, ո՞վ կարող է դեմ դուրս գալ»:
Ի դեպ, որոշ տեղեկություններով, այս օրերին Հայկ Հարությունյանը վիրահատվել է: Նա աչքի խնդիր է ունեցել»,–գրում է թերթը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: