Disabilityinfo.am-ը գրում է.
«Արևի շող» հասարակական կազմակերպության փոխնախագահ Արտյոմ Սահակյանը, ով տեղաշարժվում է սայլակով, լուսանկարել է ՀՀ ոստիկանության Արմավիրի մարզային վարչության Արմավիրի բաժնի մուտքի թեքահարթակը: Մեզ հետ զրույցում նա նշում է.
«Տեսնելով, որ լուսանկարում եմ թեքահարթակը, ինձմոտեցավ բաժնի հերթապահը և պարզաբանումներ խնդրեց: Ես էլ խոստովանեցի, որ նման«հրաշք» թեքահարթակ առաջին անգամ եմ տեսնում: Հերթապահը փորձում էր համոզել, որթեքահարթակը հարմար է, և կարող եմ փորձել բարձրանալ»:
Disabilityinfo-ի հետ զրույցում ՊՊԾ դասակի ավագ ոստիկան Արամ Զեյնալյանը տեղեկացրեց, որ թեքահարթակը կառուցել են 2013-ին՝ ՀՀ ոստիկանությունից ստացած նամակի պահանջով: Այն հարցին, թե փորձե՞լ են թեքահարթակը կառուցելիս քաղաքաշինական որևէ նորմ գտնել կամ համագործակցել հասարակական կազմակերպությունների հետ, պարոն Զեյնալյանը նշեց. «Դե, մեր իմացած ձևերով բազալտով սարքել ենք»:
Վերջում էլ հավելեց, որ ցանկացած շենք մտնելիս էլ հաշմանդամություն ունեցող անձինք, երևի, օգնության կարիք ունեն, և իրենք էլ պատրաստակամ են օգնելու յուրաքանչյուրին:
Իսկ Արտյոմ Սահակյանը հավելում է. «Էլ ինչո՞ւ են կառուցել այդ թեքահարթակը, եթե այն իրնպատակին չի ծառայելու, և ինձ, միևնույն է, ներս մտնելիս օգնելու են»:
