Lorinews.am-ը գրում է.
Վանաձորի խանութներից մեկից այսօր գնեցի «Արզնի կաթ» ընկերության թթվասեր: Մինչ կմանրամասնեմ տեղի ունեցածը, հիշեցնեմ, որ այսօր մայիսի 3-ն է: Թթվասերը բերեցի տուն ու անկախ ինձնից նայեցի պիտանելիության ժամկետին: Պարզվեց՝ այն արտադրվել է ապագայում՝ մայիսի 6-ին: Թթվասերի կափարիչի վրա որպես արտադրման ժամկետ նշված է մայիսի 6-ը, պիտանելիության ավարտը՝ մայիսի 16: Այսինքն այն, ըստ կափարիչի վրա գրվածի, պիտանի է 10 օր: Մինչդեռ տուփի վրա որպես պահպանման ժամկետ նշված է 7 օրը՝ այն էլ հատուկ պայմաններում պահելու դեպքում: Փաստորեն, «Արզնի կաթ» ընկերությունը իր արտադրանքով պարզապես կրկնակի է խաբում իր սպառողին, հրամցնելով այնպիսի սնունդ, որը մի շարք հակասություններ է առաջացնում: Նախ առաջին՝ թթվասերն արտադրված է ապագայում՝ մայիսի 6-ին, ու հետո՝ կափարիչի վրա պահպանման ժամկետը նշվում է 10 օր, մինչդեռ տուփի վրա՝ 7 օր: Ի դեպ, խանութի վաճառողուհին հետո արդեն մեզ տեղեկացրեց, որ թթվասերը իրենք ստացել են երեկ՝ մայիսի 2-ին: Փաստորեն ստացվում է, որ այն նշված ժամկետից արտադրվել է ամենաքիչը 4 օր առաջ ու եթե հետևենք ժամկետին, ըստ այդմ ուրեմն պիտանելիության ժամկետը ոչ 7, ոչ էլ 10 օր է, այլ ոչ ավել ոչ պակաս՝ 14 օր: Ինչը թթվասերի պահպանման համար ճիշտ չէ, քանի որ եթե ճիշտ լիներ, վրան կգրվեր՝ պիտանի է 14 օր, ոչ թե՝ 7 կամ 10: Խնդրի մասին տեղյակ պահելու համար զանգահարեցինք «Արզնի կաթ» ընկերություն:
Ամբողջական հոդվածը կարող եք կարդալ այստեղ
