Նորաստեղծ «Սքայ Նետ» ավիաընկերության առաջին չվերթները անորոշ ժամանակով հետաձգվել են: Այս մասին տեղեկացանք ավիաընկերության տնօրեն Գրիգորի Վարդանյանից: Ավելի վաղ՝ հունվարին, Վարդանյանը «Հայկական ժամանակ» օրաթերթիին տեղեկացրել էր, որ մարտ ամսին «Սքայ Նետը» առաջին չվերթները կիրականացնի: Երեկ ընկերության տնօրենը մեր թղթակցին ասել է, որ իրենց ունեցած միակ ինքնաթիռը որոշակի վերանորոգման կարիք ունի, բայց դրա համար անհրաժեշտ ֆինանսական միջոցները բացակայում են: Ըստ Գրիգորի Վարդանյանի՝ «Սքայ Նետի» աշխատանքներին աջակցելու խոստում է տվել Լեռնային Արցախի կառավարությունը, սակայն վերջինիս աջակցությունը մինչեւ հունիս ամիս հաստատ չի լինելու: Թե որքանով այս վիճակը կշարունակվի, Վարդանյանը դժվարացել է կանխատեսել: Նա հույս ունի, որ օգնության ձեռք կմեկնեն նաեւ մասնավոր ներդրողները:
Հիշեցնենք, որ «Սքայ նեթ» ավիաընկերությունը մի քանի ամիս առաջ հայտարարեց ներքին թռիչքներ իրականացնելու իր պատրաստակամության մասին: Խոսքը Երևան-Ղափան-Երևան, Երևան-Գյումրի-Երևան, Երևան-Ստեփանավան-Երևան ուղղություններով չվերթերի մասին է: Ավիաընկերությունը մտադիր էր հենց գարնանն առաջին չվերթերն իրականացնել դեպի Վրաստան եւ Իրան` Թբիլիսի, Բաթումի եւ Թավրիզ քաղաքներ:
Նյութի աղբյուր՝ http://kingmaestro.livejournal.com/49092.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել