Գուցե Քիմ Քարդաշյանն աշխարհի ամենացանկալի կանանցից է, սակայն ոչ նույնասեռական Մայք Ամեսի համար: Մայք Ամեսը տարօրինակ ֆոբիա ունի. նա սարսափում է Քարդաշյանների ընտանիքից: Նրան ամեն անգամ սառը քրտինք է պատում, երբ նա լսում կամ տեսնում է այս հայտնի ընտանիքի անդամներին: Նա ասում է, որ կիսամերկ Քիմին տեսնելով, քիչ է մնում զզվանքից փսխի:
Մայքն ասում է, որ իր ֆոբիան էլ ավելի սրվեց այն ժամանակ, երբ Քիմի հռչակը վերելք ապրեց: Ներկայումս նրա վախը տարածվում է Քարդաշյանների ողջ ընտանիքի վրա:
24-ամյա այս տղամարդը մի անգամ ասել է. «Միայն լսելով Քարդաշյանների ռնգային ձայները կամ մի պահ նրան հեռուստացույցով տեսնելով՝ ես սրտխառնոց եմ զգում ու սկսում ցնցվել: Ձեռքերս սկսում են դողալ ու քրտնել, շնչառությունս ծանրանում: Երբեմն աչքերս լցվում են արցունքներով, և ես ցանկանում եմ փսխել»:
Մայքըի մոտ Քարդաշյանների հանդեպ ունեցած ֆոբիան այն ժամանակ է սկիզբ առել, երբ 16 տարեկանում դիտել է Քիմի պոռնոգրաֆիկ բնույթի տեսագրությունը: Նա նշել է.
Ես մեծացել եմ կաթոլիկների ընտանիքում և փորձել եմ ճնշել իմ նույնասեռական հակումները: Դպրոցում մի շարք տղաներ ասում էին, որ Քիմ Քարդաշյանի տեսագրությունը շատ լավն է: Ես որոշեցի դիտել այդ տեսագրությունը՝ հույս ունենալով, որ դա կգրգռի ինձ:
Մի պահ դադար տալով՝ Մայքը հավելել է. «Ես ներբեռնեցի տեսանյութը և այն գաղտնի դիտեցի իմ ննջարանում: Սակայն հաստաքամակ Քիմի պատկերը ճնշող էր ինձ համար: Ես իրոք ցանկանում էի, որ նա ինձ գրգռեր, ուստի ես շարունակեցի դիտել տեսանյութը, սակայն նա ինձ ավելի ու ավելի մեծ զզվանք էր պատճառում: Երբ տեսագրությունն արդեն ավարտվում էր, ես փղձկացի: Այդ փորձառությունը ինձ սարսափեցրեց, և ես այլևս երբեք չէի ցանկանում Քիմի երեսը տեսնել: Ես ներկայումս հաշտվել եմ իմ նույնասեռականության հետ, սակայն ես ոչ մի վայրկյան չեմ կարողացել ազատվել Քիմի հանդեպ տածած վախից»:
Մայքն ասում է, որ Քիմն ու նրա քույրերն շատ նման են տեսքով ու ձայնով: Մայքի սիրտը խառնում է նրանցից: Նա հատկապես զզվում է Քարդաշյան քույրերի արտաքին տեսքից: Նա չի պատկերացնում, թե ինչպես որևէ մեկը կարող է գրավիչ համարել այդ հակակրելի աղջիկներին: Քարդաշյանների հռչակը խանգարում է Մայքի կյանքի բնականոն ընթացքին: Մայքը պատմում է, որ իր ընկերները հեգնում են իրեն՝ իր այս տարօրինակ վարքագծի համար: Այս վախը շատ թանկ է նստում նրա վրա: Դրա պատճառով անգամ նրա սիրավեպերից մեկն է ձախողվել:
Պարզապես անհնար է ազատվել Քիմից, ուր մնաց նրա ամբողջ ընտանիքից: Գրեթե բոլոր կայքերն ու ամսագրերը հեղեղված են Քարդաշյանների նկարներով:
Մայքը երբևէ բժիշկների չի դիմել՝ այս ֆոբիայից ձերբազատվելու համար, քանի որ նա այլայլվում և կոմպլեքսավորվում է այս վիճակից:
Մայքի համար իսկական փորձանք էր Քանյե Ուեսթի Bound 2 երգի անպարկեշտ տեսահոլովակը, որի մեջ նաև Քիմն է երևում: Նա պատահաբար է հեռուստացույցով տեսել այդ տեսահոլովակը: Այն Մայքի մոտ իր պատանեկության սարսափելի հիշողություններն է արթնացրել: Ներկայումս նա տանել չի կարողանում ո՛չ այդ երգը, ո՛չ տեսահոլովակը: Մայքը ասում է, որ նույնասեռականների շրջանում շատերը սիրում են Քարդաշյաններին: Դրա համար էլ Մայքի համար շատ դժվար է սիրավեպ սկսել ինչ-որ մեկի հետ: Հենց որ ժամադրության ժամանակ հիշատակվում է Քիմի կամ Քարդաշյանների ընտանիքի որևէ այլ անդամի անունը, ողջ ռոմանտիկան կորում է: Հարցազրույցներից մեկի ժամանակ Մայքն ասել է. «Իմ վերջին ընկերը դիտում էր Քարդաշյանների բոլոր շոուները: Նա սկզբում զվարճալի էր համարում իմ ֆոբիան, սակայն երբ նա սկսեց ինձ հետ խոսել Քարդաշյանների մասին և ցանկացավ ինձ հետ միասին դիտել նրանց շոուն, ես գերադասեցի հրաժարվել իմ սիրավեպից»:
Մայքը հաճախ խնդրում է իր ընկերներին ստուգել, թե արդյոք այս կամ այն ամսագրում Քարդաշյյանների մասին որևէ նյութ չկա, և միայն դրանից հետո է համարձակվում ընթերցել դրանք: Նա ասում է.
Ես չգիտեմ, թե ինչպես կարող եմ բժշկի դիմել այս հարցով: Նրանք միայն կծիծաղեն ինձ վրա, հենց որ իմանան իմ վախի պատճառը: Իմ ընկերները հաճախ ծիծաղում են ինձ վրա: Նրանք այնպիսի կատակներ են անում, որոնք խոր տրավմա են առաջացնում ինձ մոտ:
Այսպես, մի անգամ Մայքը գիշերում էր իր ընկերներից մեկի տանը: Իր այդ ընկերը զուգարանի դռան վրա փակցրել էր Քիմ Քարդաշյանի նկարը: Դրա պատճառով Մայքը ողջ գիշեր ստիպված էր զսպել իր բնական պահանջները:
