Հալեպում կռվող ադրբեջանցին, չեչենը, լիբիացին՝ Սիրիայի ընդդիմադիրնե՞ր

Դեռ ոմանք յամառօրէն կ՛ուզեն արաբական գարնան բոյրով արբենալ եւ արդար յեղափոխականներ տեսնել...:
Դեռ ոմանք, յամառաբար թէ յիմարաբար, այսօրուան Հալէպի մէջ կռուողները «ընդդիմադիր» կ՛որակեն:
Ճշդում մը. ընդդիմադիրը (այս պարագային) նոյն երկրի քաղաքացին է, որ իշխանութեան ուղեգծին դէմ է:
Դուրսէն եկողը, որ այդ երկրի քաղաքացին չէ, ՉԻ ԿՐՆԱՐ ընդդիմադիր ըլլալ...:
Չէչէնը, լիպիացին, թունուզցին, ազրպէյճանցին, փաքիստանցին Սուրիոյ իշխանութեան քաղաքանութեան ո՞ր մասին համաձայն չէ: Պատասխանը, եթէ կայ, մէկ բան կրնայ ըլլալ. «կրօնական ուղեգիծ». եւ ոչ միայն իշխանութեան՛ այլ՝ ամբողջ երկրին, պետականութեան:
Ուրեմն, որքան ալ չափեն-ձեւեն, զարդարեն-յարդարեն, նո՛յնն է. «ընդդիմադիր» չեն: 
Այսօր, Հալէպի ժողովուրդին սպառնացողները սուրիացիներ չեն: Դուրսէն ներխուժած հորդաներ են...:
Կ՛ուզեմ հաւատալ, որ այդ «ոմանք»ը միամտաբար այս թիւրիմացութեան մէջ ինկած են: Եթէ այդպէս չեն, ուրեմն...