Օրվա բաղադրատոմսը. չուրրոս` իսպանական քաղցրավենիք, որը սիրում է ամբողջ աշխարհը

Բաղադրություն

1 ճ.գ. շաքարավազ

2 հ. ձու

50 գ կարագ

150 գ ալյուր

աղ, բուսայուղ՝ տապակելու համար

շաքարի փոշի

Պատրաստման եղանակ

1.Կարագը, աղը և շաքարավազը խառնել 140 գ ջրի մեջ և եռացնել:

2.Վերցնել կրակի վրայից, քիչ-քիչ լցնել մաղած ալյուրը, խառնել, խմոր պատրաստել: Հատ-հատ ավելացնել ձվերը, խառնել:

3.Պատրաստի խմորը լցնել խմորեղենի ձևավորման համար նախատեսված ներարկիչի մեջ:

4.Բուսայուղը տաքացնել 190 աստիճան, ներարկիչի միջոցով խմորը ձողիկների կամ կիսալուսինների նման լցնել բուսայուղի մեջ և տապակել՝մինչև կարմրեն:

5.Պատրաստի չուրրոսները շարել անձեռոցիկի վրա, որպեսզի յուղը քամվի, վրան շաքարի փոշի ցանել և մատուցել տաք-տաք: