Փոշու, ժանգոտվածության և ճեղքերի ետևում թաքնված են այստեղ երբեմնի ապրած մարդկանց պատմությունները: Երբ փորձում ես պատկերացնել այդ մարդկանց և նրանց կյանքերը, անբացատրելի, յուրահատուկ մթնոլորտ է առաջանում: Տպավորություն է ստեղծվում, որ մարդիկ հենց նոր հավաքել են բոլոր իրենց իրերը և հեռացել:
1 Զովացնող խցիկներ Բելգիայում
Սրանք Մոնսոյի լքված էլեկտրակայանի զովացնող աշտարակներն են: Կենտրոնում խողովակաձև կառույցը տաք ջուր էր մատակարարում, որը, այնուհետև, զովացվում էր և լցվում բազմաթիվ բետոնե ենթաբաժինների վրա:
2 Լողացող անտառ Սիդնեյում
Սա Երկրորդ համաշխարհային պատերազմի համար նախատեսված շոգենավ է: Երբ նավերի արտադրամասը փակվեց, բազմաթիվ նավեր լքված մնացին: Ներկայումս այս գեղեցիկ լողացող նավը վառ օրինակ է նրա, որ բնությունը կարող է զարգանալ և դիմակայել ամենուրեք և բոլոր պայմաններում:
3 Հոլանդական կղզու վերջին տունը, ԱՄՆ
Էրոզիայի պատճառով՝ կղզու վրա ավելի քիչ տարածք էր մնում և նկարում պատկերվածը կանգուն մնացած վերջին տունն էր, որը, սակայն, 2012թ.-ին քանդվեց:
4 Պրիպյատ, Ուկրաինա
Այս լքված քաղաքը գտնվում է Չերնոբիլյան ատոմային էլեկտրակայանից 3 կմ հեռավորության վրա:
5 Բուլղարական կոմունիստական կուսակցության տուն
Բուլղարական կոմունիստական կուսակցության համար 1980-ական թվականներին կառուցված այս շինությունը ներկայումս սարսափելի տեսք ունի թե՛ ներսից, թե՛ դրսից: Թռչող ափսեի նման այս կառույցը լքվեց ԽՍՀՄ-ի փլուզումից հետո:
6 Խորտակված նավ, Անտարկտիդա
Վախենալու տեսք ունեցող այս ուրվական նավը բրազիլական է եղել և վավերագրական ֆիլմ նկարահանելու համար նկարահանող խումբ է տեղափոխել Անտարկտիդա, բայց ուժեղ քամիների պատճառով խումբը ստիպված եղավ լքել նավը: Նավի մեջ հայտնված ջուրը սառել է, ապա կոտրել է այն և խորտակել:
7 Նյու Բեդֆորդի լքված թատրոնը, ԱՄՆ
Այս հին թատրոնը գտնվում է Մասաչուսեթսում: Թատրոնը բացվել էր 1912թ.-ին և փակվել էր 1959-ին: Տարիների ընթացքում այն եղել է և՛ պահեստ, և՛ սուպերմարկետ: Բայց ներկայումս մի կազմակերպություն գումարներ է հավաքում կառույցը վերականգնելու համար:
8 Հյուրանոց Սալտո, Կոլումբիա
Հյուրանոցը բացվել էր 1928թ.-ին՝ Տեկենդամա ջրվեժի մոտ, բայց այն փակվեց, երբ ջրվեժի հանդեպ հետաքրքրությունը նվազեց: 2012թ.-ին այն թանգարանի վերածեցին:
9 Լքված ռազմական հոսպիտալ Բելիցում, Գերմանիա
Այս մեծ հիվանդանոցային համալիրը կառուցվել էր 1800-ական թվականներին: Այստեղ ապաքինվել է Ադոլֆ Հիտլերը՝ ոտքի վնասվածքից հետո: Հիվանդանոցի որոշ մասեր գործում են, բայց հիմնականում այն բարձիթողի վիճակում է գտնվում: