Մոնիկա Բելուչին հերքել է Թելման Իսմայիլովի հետ սիրավեպի մասին լուրերը

1in.am-ը գրում է.

Դերասանուհի Մոնիկա Բելուչին հերքել է Մոսկվայի Չերկիզովյան շուկայի նախկին տիրոջ՝ ադրբեջանցի օլիգարխ Թելման Իսմայիլովի հետ սիրավեպի մասին լուրերը, տեղեկացնում է РИА Новости-ն:

«Այդ լուրը, որը չգիտեմ, թե որտեղից է հայտնվել, ոչնչով հիմնավորված չէ»,- հայտարարել է Բելուչին: Նրա խոսքերով՝ իր կյանքում Վենսան Քասելից բաժանվելուց հետո այլ տղամարդ չի եղել: 

Բելուչին հայտարարել է, որ իր նախկին ամուսնուց բաժանվել է, քանի որ իրենք «տարբեր ուղղություններով էին զարգանում»:

Դրանից բացի, իտալացի դերասանուհին հերքել է ռեժիսոր Էմիր Կուստուրիցայի հետ սիրավեպի մասին լուրերը: Նրանք միասին աշխատում են ռեժիսորի նոր ֆիլմի վրա: