Մարսի վրա օվկիանոս է գոյություն ունեցել. գիտնականներ

1in.am-ը գրում է.

Մարսի վրա օվկիանոս է գոյություն ունեցել: Այս մասին ITAR-TASS-ին հայտնել է Տիեզերական հետազոտությունների ինստիտուտի աշխատակից Միխայիլ Իվանովը:

«Հետազոտությունները ցույց են տվել, որ Կարմիր մոլորակի «Ուտոպիա» դաշտավայրի շրջանում օվկիանոս է գոյություն ունեցել:

Մենք ենթադրում ենք, որ օվկիանոսի սառցակալումը սկսվել է Հեսպերիդյան դարաշրջանում, որը Մարսի վրա տեղի է ունեցել 3.5-2.9 մլն տարի առաջ: Այդ ժամանակաշրջանում, ըստ ենթադրությունների, մոլորակի վրա մշտական ջրոլորտ է եղել, իսկ «Ուտոպիա» դաշտավայրի շրջանում էլ` օվկիանոս»,- ասել է Իվանովը:

Նախկինում օվկիանոսի առկայության մասին են վկայում դաշտավայրի շրջանում կեղտի մեծ կուտակումները: