Google-ը կցուցադրի Մոնակոյի ստորջրյա աշխարհը
15:11 , 26 հոկտեմբեր, 2013
1in.am-ը գրում է.
Մոնակոյի ստորջրյա աշխարհը Google-ի շնորհիվ համայնապատկերային տեսքով դիտելու համար հասանելի կլինի ամբողջ աշխարհին, հայտնում է Euromag-ը:
Համայնապատկերային լուսանկարների շնորհիվ, որոնք հասանելի կլինեն Google-ի բոլոր օգտատերերին, ամբողջ աշխարհի միլիոնավոր մարդիկ հնարավորություն կունենան սուզվելու Մոնակոյի ստորջրյա աշխարհը՝ մնալով սեփական բազմոցին նստած:
Երկուշաբթի գիտնականների և լուսանկարիչների թիմը ավարտեց 2000 լուսանկարների մշակումը, որոնք արվել էին Մոնակոյի ժայռի ստորոտի ջրային հատվածներում:
Մշակված լուսանկարները կդառնան դքսության օվկիանոսագիտության թանգարանի ցուցադրության կենտրոնական նմուշները:
Բացի այդ՝ լուսանկարները բեռնվելու են GoogleMaps ինտերնետ-հավելվածում: