Բրիտանացի կին բանտարկյալներին կտեղափոխեն իրենց տներին մոտ բանտեր

1in.am-ը գրում է.

Կանայք, ովքեր իրենց պատիժն են կրում Մեծ Բրիտանիայի բանտերում, կտեղափոխվեն իրենց տներին ոչ հեռու գտնվող գաղութներ՝ գրում է The Guardian-ը: 

Բանտային բարեփոխումների համակարգի շրջանակում վերջիններիս կտեղափոխեն իրենց ընտանիքներին մոտ գտնվող գաղութներ: Ըստ Բրիտանիայի արդարադատության նախարար լորդ Մակ Նելլիի՝ ազգականների հետ հաճախակի հանդիպումները կնպաստեն կրկնահանցագործների թվի կրճատմանը:

Միջոցառումների համապատասխան՝ իրավախախտները ազատ արձակվելուց հետո 12 ամսվա ընթացքում կստանան անհատական աջակցություն: 

«Ռիսկի ցածր մակարդակ» ունեցող բանտարկյալներին կառաջարկվի աշխատանքի տեղավորվելու իրական հնարավորություն մինչ բանտը լքելը: