Վիրահայերը կրկին իրենց ձայնը կտան իշխող կուսակցության թեկնածուի օգտին. կարծիքներ

Tert.am-ը գրում է.

Վրաստանի առաջիկա նախագահական ընտրություններին վիրահայությունը ավանդույթի համաձայն իր ձայնը կտա իշխանության թեկնածուին՝ «Վրացական երազանք» դաշինքի թեկնածու Գեորգի Մարգվելաշվիլիին: Tert.am-ի հետ զրույցում իր կանխատեսումն արեց ջավախահայ հասարակական գործիչ Վահագն Չախալյանը: Նա նշեց, որ ազգային փոքրամասնությունների շրջանում ավանդույթ է իշխանության օգտին ձայն տալը և իր կարծիքով այս անգամ էլ բացառություն չի լինի:

«Վրաստանի նախագահի ղեկավարած «Վրացական ազգային շարժում» կուսակցության թեկնածուն, իմ կարծիքով, հազիվ 5% ձայն հավաքի, եթե, իհարկե, խարդախություն չանեն: Ասում են՝ մինչև 30% ձայն են ուզում գրանցեն իրենց օգտին»,- ասաց նա:

Նշենք, որ հոկտեմբերի 27-ին է կայանալու Վրաստանի նախագահական ընտրությունները, որին առաջադրված է 23 թեկնածու: Նրանցից առավել մեծ հնարավորություններ ունեցող թեկնածուներ են համարվում երեքը՝ իշխող «Վրացական երազանք» դաշինքի թեկնածու Գեորգի Մարգվելաշվիլին, դեռևս գործող նախագահի ղեկավարած «Վրացական ազգային շարժում» կուսակցության թեկնածու Դավիթ Բագրաձեն, «Ժողովրդավարական շարժում՝ հանուն միասնական Վրաստանի» շարժման ղեկավար Նինո Բուրջանաձեն:

Ամբողջական հոդվածը կարող եք կարդալ այստեղ