Ա. Ռասմուսեն. Ուկրաինան և Վրաստանը նախկինի պես կարող են ՆԱՏՕ-ին անդամակցելու ակնկալիք ունենալ
16:15 , 24 հոկտեմբեր, 2013Panorama.am-ը գրում է.
Ուկրաինան և Վրաստանը նախկինի պես կարող են ՆԱՏՕ-ին անդամակցելու ակնկալիք ունենալ: Այս մասին «Ռոսբալտ» լրատվական գործակալության փոխանցմամբ, պաշտպանության նախարարների մակարդակով Ռուսաստան-ՆԱՏՕ խորհրդի նիստից հետո հայտարարել է ՆԱՏՕ-ի գլխավոր քարտուղար Անդերս Ֆոգ Ռասմուսենը:
«Ցանկանում եմ ընդգծել, որ մեր դիրքորոշումը չի փոխվել Վրաստանի և Ուկրաինայի հարցում: Թույլ տվեք հիշեցնել, որ 2008թ.-ին մենք արդեն որոշել ենք, որ Ուկրաինան ու Վրաստանը կդառնան ՆԱՏՕ-ի անդամ: Մենք դա որոշել ենք 2008թ.ին, և այդ որոշումը դեռ ուժի մեջ է: Նրանք կդառնան ՆԱՏՕ-ի անդամ, եթե, իհարկե, բավարարեն անհրաժեշտ չափանիշներն ու ցանկություն հայտնեն միանալ դաշինքին»,- նշել է Ա. Ռասմուսենը:
Ավելի վաղ Ա. Ռասմուսենը հայտարարել է, որ Վրաստանը 2014թ.-ին չի դառնա ՆԱՏՕ-ի անդամ. «Վրաստանի նոր կառավարությունը վերահաստատել է ՆԱՏՕ-ին անդամակցելու իր մտադրությունը: Սակայն հաջորդ տարի դա հաստատ տեղի չի ունենա, քանի դեռ մենք համագործակցում ենք Վրաստան-ՆԱՏՕ խորհրդի ձևաչափով»,- ասել է նա:
Ամբողջական հոդվածը կարող եք կարդալ այստեղ