Գրիպի սեզոնը սկսել է. «Ինքնաբուժմամբ մի զբաղվեք»
10:09 , 24 հոկտեմբեր, 2013Panorama.am-ը գրում է.
Տարվա 40-րդ շաբաթն է, իսկ դա նշանակում է, որ գրիպով հիվանդների թիվն ավելանալու է:
«Մոնիտորինգի արդյունքները ցույց են տվել, որ հիվանդացության բարձրացում չկա: Իսկ այն հիվանդացությունը, որն այսօր արձանագրվում է, օրինաչափություն է տվյալ սեզոնի համար: Տարվա 40-րդ շաբաթը նախանշում է գրիպի սեզոնի սկիզբը»,-Panorama.am-ին ասաց ՀՀ առողջապահության նախարարության պետական հիգիենիկ և հակահամաճարակային տեսչության գլխավոր մասնագետ Լիանա Թորոսյանը, բացատրելով, որ ԱՀԿ մոտեցումն է տարին շաբաթաների բաժանելը:
Մոնիտորինգի արդյունքում պարզվել է, որ մեկ շաբաթվա կտրվածքով սուր շնչառական խնդիրներով 1200 մարդ է դիմել բժշկի:
«Համաճարակաբանության առումով թվերով խոսելը մի քիչ ճիշտ չի, բայց եթե նույնիսկ թվերով խոսքեն, կարող ենք ասել, որ այս տվյալներն անհանգստացնող չեն, քանի որ անցած տարվա այս ժամանակաշրջանի համեմատ դեպքերի թիվը չի փոփոխվել, նույն մակարդակն է»,-ասաց նա:
Ի՞նչ քայլեր են ձեռնարկվում, որպեսզի չկրկնվի գարնանային սեզոնին արձանագրված հիվանդացության ցուցանիշը, ինչի հետևանքով դպրոցներում արձակուրդը երկարաձգվեց մեկ շաբաթով:
Ամբողջական հոդվածը կարող եք կարդալ այստեղ