Գերմանիայում բացվել է Առաջին աշխարհամարտի ժամանակ ստեղծված ծաղրանկարների ցուցահանդես

1in.am-ը գրում է.

Հաննովերի Վիլհելմ Բուշի անվան Ծաղրանկարների ու գրաֆիկայի գերմանական թանգարանում բացվել է ծաղրանկարների ցուցահանդես, որը ստեղծվել է Առաջին աշխարհամարտի նախօրեին: 

Ներկայացված բոլոր՝ մոտ 120 ծաղրանկարները ժամանակին հրապարակվել են Մյունխենի Simpliccisimus երգիծական ամսագրում:

Ամսագրի թիրախում էին Գերմանիայի կայսր Վիլհելմ 2-րդի անձի պաշտամունքը, Գերմանիայի ձգտումը՝ հասնելու համաշխարհային տիրապետության, ինչպես նաև երկրում ֆեմինիստական շարժման ակտիվացումը՝ հայտնում է DPA գործակալությունը:

Ներկայացված է նաև գերմանացիների կյանքը Առաջին համաշխարհային պատերազմի նախօրեին: