«Արսենալ»-«Բորուսիա»-ն երկու հզոր թիմերի հանդիպում է. Կլոպ

1in.am-ը գրում է.

Չեմպիոնների Լիգայի գավաթի խաղարկության խմբային փուլի շրջանակներում կայանալիք Լոնդոնի «Արսենալ»-ի դեմ արտագնա հանդիպումից առաջ Դորտմունդի «Բորուսիա»-ի գլխավոր մարզիչ Յուրգեն Կլոպը հայտնել է, որ ֆուտբոլասերները կարող են երկու հզոր թիմերի հանդիպում տեսնել:

««Արսենալ»-ը հավատարիմ է իր ոճին` չնայած հաճախ հնչող քննադատությանը: Իմ կարծիքով` այդ թիմի խաղային փիլիսոփայությունը միշտ ժամանակակից է, իսկ այժմ այն հիանալի արդյունքներ է գրանցում:

Ինձ տպավորում է «Արսենալ»-ի առաջընթացը: Մեզ երկու հզոր թիմերի հանդիպում է սպասվում»,- ասել է Կլոպը:

Հիշեցնենք, որ «Արսենալ»-«Բորուսիա» հանդիպումը կկայանա այսօր` հոկտեմբերի 22-ին: