Իրանը Ռուսաստանին սեփական արտադրության անօդաչու սարք է նվիրել. ԶԼՄ-ներ

1in.am-ը գրում է.

Իրանի Իսլամական հեղափոխության պահապանների կորպուսի ռազմատիեզերական ուժերի հրամանատար Ամիր-Ալի Հաջիզադեն Ռուսաստանի ռազմաօդային ուժերի գլխավոր հրամանատար Վիկտոր Բոնդարևին է հանձնել իրանական արտադրության անօդաչու սարք, տեղեկացնում է իրանական press-tv հեռուստաալիքը:

«Անօդաչու ScanEagle-ը, որը ստեղծված է իրանական զինվորականների կողմից, Իրանի տեխնիկական ձեռքբերումներն է խորհրդանշում»,- ասել է Հաջիզադեն: 

Ինչպես տեղեկացնում է հեռուստաալիքը՝ Բոնդարևը նշել է այն հաջողությունները, որոնց իրանական կողմը կարողացել է հասնել տեխնիկական ոլորտում, փոխանցում է Интерфакс-ը:

Բոնդարևը քառօրյա այցով Իրան է ժամանել շաբաթ օրը: Ինչպես սպասվում է, այցի շրջանակներում նա կհանդիպի իրանական ռազմական հրամանատարության ներկայացուցիչների հետ: