Գերմանիայից շուրջ 200 իսլամիստներ մասնակցում են Ալ-Ասադի դեմ պատերազմին

1in.am-ը գրում է.

Գերմանիայից Սիրիա են մեկնել շուրջ 200 իսլամիստներ՝ ապստամբների կողմից պատերազմին մասնակցելու: Այս մասին հաղորդում է Spiegel-ը՝ վկայակոչելով Գերմանիայի Սահմանադրության պաշտպանության դաշնային ծառայության գաղտնազերծված տվյալները:

Գրոհայինների մի մասն արդեն ժամանել է Սիրիա, իսկ մի մասն էլ գտնվում է ճանապարհին: Գրոհայինների կեսից ավելին ունեն գերմանական քաղաքացիություն:

Գերմանացի իսլամիստները միանում են իրենց սեփական «գերմանական ճամբարին», որը տեղակայված է Սիրիայի հյուսիսում, որտեղ նրանք ուսուցումն անցնում են գերմաներենով:

Եվրոպական երկրներից շուրջ 1000 իսլամիստ կռվում է Սիրիայում: