Տարօրինակ է Կասիլյասի կարգի դարպասապահին տեսնել պահեստայինների նստարանին. Բուֆոն

1in.am-ը գրում է.

Թուրինի «Յուվենթուս»-ի դարպասապահ Ջանլուիջի Բուֆոնը խոսել է Մադրիդի «Ռեալ»-ի ավագ Իկեր Կասիլյասի շուրջ ստեղծված իրավիճակի մասին:

Հիշեցնենք, որ «Արքայական ակումբ»-ի գլխավոր մարզիչ Կարլո Անչելոտիի որոշմամբ՝ Կասիլյասը մնացել է պահեստայիների նստարանին, իսկ հիմնական կազմում խաղում է Դիեգո Լոպեսը:

Իտալացի մասնագետն ավելի վաղ հայտարարել էր, որ Կասիլյասին հնարավորություն է տալու խաղալ Չեմպիոնների Լիգայի գավաթի խաղարկության հանդիպումներում, իսկ Լոպեսը հանդես է գալու Լա Լիգայի խաղերում:

«Կասիլյասին այժմ ավելի շատ եմ հարգում: Տարօրինակ է Իկերի կարգի դարպասապահին տեսնել պահեստայինների նստարանին, բայց պետք է հարգալից լինել նաև Լոպեսի նկատմամբ, ով գերազանց խաղ է ցուցադրում»,- հայտարարել է Բուֆոնը: