Բրիտանական թագուհին Բուքինգհեմյան պալատում հանդիպել է Մալալա Յուսուֆզայի հետ

1in.am-ը գրում է.

Մեծ Բրիտանիայի թագուհի Եղիսաբեթ II-ը հանդիպել է 16-ամյա իրավապաշտպան Մալալա Յուսուֆզայի հետ, որը վիրավորվել էր պակիստանցի թալիբների կողմից կանանց կրթության աջակցության վերաբերյալ հայտարարությունների համար: Հանդիպումը տեղի է ունեցել Բուքինգհեմյան պալատում:

Միջոցառումը նվիրված է եղել Մեծ Բրիտանիայի նախկին գաղութ երկրներում կրթության և երիտասարդության խնդիրներին: Հանդիպման ժամանակ Յուսուֆզային Եղիսաբեթ 2-րդին է նվիրել իր «Ես Մալալան եմ» (I Am Malala) գիրքը:

Խոսելով միապետի հետ՝ Յուսուֆզային նշել է, որ իր համար այդ հանդիպումը ոչ միայն հրավեր է, այլև մեծ պատիվ: Իրենք միասին պետք է աշխատեն խնդիրների վերացման համար: