Մոլդովայում բռնել են բանտարկյալներին մարիխուանա տանող կատվին

1in.am-ը գրում է.

Մոլդովայում բանտի անվտանգության աշխատակիցները բռնել են կատվին, որը կալանավորներին մարիխուանա էր տանում: Այս մասին հաղորդում է Associated Press-ը:

Բանտապահները բանտի դարպասի անցքից անցնող կատվին կասկածել են՝ նրա վզին տեսնելով տարօրինակ կապ: Ուշադրությամբ զննելիս պարզվել է, որ դրան 2 փաթեթ մարիխուանա է ամրացված:

Մոլդովայի ուղղիչ դեպարտամենտում հայտնել են, որ մարիխուանա տեղափոխելու համար կատվին օգտագործել է բանտին կից բնակավայրի անհայտ բնակիչը: