Բաքվում ոստիկանները ցրել են Ռուսաստանի դեսպանատան մոտ բողոքի ցույցը

Lurer.com-ը գրում է.

Ադրբեջանի մայրաքաղաք Բաքվում` Ռուսաստանի դեսպանատան մոտ, քաղաքացիները փորձել են բողոքի ակցիա կազմակերպել իրենց հայրենակից Օրհան Զեյնալովի ձերբակալության կապակցությամբ, ում մեղադրում են սպանության մեջ: Բողոքի ցույցը, դեռ չսկսված, ցրվել է ոստիկանության կողմից. գրում է «Նովոստի Ազերբայջան»-ը:

Բաքվում ուրբաթ օրը Սփյուռքի միջազգային կենտրոնի անդամները հավաքվել են Ադրբեջանում Ռուսաստանի դեսպանատան մոտ` բողոքի ցույց կազմակերպելու նպատակով: Նրանք իրենց վրդովմունքն են հայտնում Մոսկվայում Զեյնալովի ձերբակալության ժամանակ իրավապահ մարմինների կողմից թույլ տված կոպիտ խախտումների նկատմամբ: