Բակո Սահակյան. Պաշտոնական Ստեփանակերտը շահագրգռված է Նիդերլանդների հետ հարաբերությունների զարգացմամբ
11:31 , 18 հոկտեմբեր, 2013Panorama.am-ը գրում է.
Արցախի Հանրապետության Նախագահ Բակո Սահակյանը Հաագա քաղաքում նախօրեին հանդիպում է ունեցել Նիդերլանդների խորհրդարանի արտաքին հարաբերությունների հանձնաժողովի մի խումբ անդամների հետ:
Արցախի Հանրապետության նախագահի աշխատակազմի տեղեկատվության գլխավոր վարչության հաղորդմամբ, հանդիպմանը քննարկվել են Նիդերլանդներ-Արցախ խորհրդարանական կապերի զարգացմանը, ադրբեջանա-ղարաբաղյան հակամարտության կարգավորմանը և տարածաշրջանային գործընթացներին վերաբերող հարցեր:
Նախագահ
Սահակյանը նշել է, որ պաշտոնական Ստեփանակերտը շահագրգռված է Նիդերլանդների հետ հարաբերությունների զարգացմամբ` նշելով որ դրա համար առկա են խոստումնալից հեռանկարներ:
Հանդիպմանը մասնակցում էին ԼՂՀ արտգործնախարար Կարեն Միրզոյանը, պաշտոնատար, Նիդերլանդներում ՀՀ արտակարգ և լիազոր դեսպան Ձյունիկ Աղաջանյանը, պաշտոնատար այլ անձինք:
Աղբյուրի համաձայն, նույն օրը Արցախի Հանրապետության Նախագահ Բակո Սահակյանը Հաագա քաղաքում հանդիպում է ունեցել Նիդերլանդների հայ համայնքի ղեկավարության հետ: Հանդիպման ընթացքում քննարկվել են Նիդերլանդների հայ համայնքի և Արցախի միջև կապերի ամրապնդմանն առնչվող հարցեր:
Ամբողջական հոդվածը կարող եք կարդալ այստեղ