Ֆրանսիացի դպրոցականները փողոց են դուրս եկել՝ պահանջելով վերադարձնել հայազգի համադասարանցի-ներգաղթյալին

1in.am-ը գրում է.

Ֆրանսիայում հազարավոր դպրոցականներ են փողոց դուրս եկել՝ բողոքելով երկու դեռահաս-ներգաղթյալներին երկրից բռնությամբ արտաքսելու դեմ, տեղեկացնում է BBC-ն: 

Փարիզյան 20 դպրոցներում դասեր չեն եղել, քանի որ աշակերտները մասնակցել են դեռահասներին դպրոց վերադարձնելու և երկրի ՆԳ նախարար Մանուել Վալսին պաշտոնից ազատելու պահանջով կազմակերպված երթին: 

Ակցիայի առիթ է հանդիսացել երկրի արևելքում տեղի ունեցած դեպքը, երբ կոսովցի գնչու 15-ամյա Լեոնարդա Դինրանիին ձերբակալել են դպրոցական էքսկուրսիայի ժամանակ՝ աշակերտների և ուսուցիչների աչքի առջև: Նրա ծնողները Ֆրանսիայում ապրելու 5 տարիների ընթացքում երկրում բնակվելու իրավունք չէին ստացել, հետևաբար ամբողջ ընտանիքը պետք է արտաքսվեր Ֆրանսիայից: 

Անցած շաբաթ Ֆրանսիայի իշխանությունները Հայաստան են արտաքսել 19-ամյա ուսանող Խաչիկ Խաչատրյանին: Նա ձերբակալվել էր խանութում գողություն կատարելու համար, իսկ հետաքննության ժամանակ պարզվել էր, որ նա անօրինականորեն է երկիր մուտք գործել: