Mattel ընկերությանը մեղադրել են չինական գործարանում աշխատանքի պայմանների խախտման մեջ
19:19 , 17 հոկտեմբեր, 2013
1in.am-ը գրում է.
Աշխարհում մանկական խաղալիքների խոշորագույն արտադրող Mattel ընկերությանը մեղադրել են Չինաստանի աշխատանքային օրենսդրությունը խախտելու մեջ, գրում է The Wall Street Journal-ը:
Mattel ընկերության մամլո քարտուղարը հայտնել է, որ հետաքննության ավարտից հետո ընկերությունը, որի առավել հայտնի արտադրանքը Բարբի տիկնիկներն են, անհրաժեշտ քայլեր կձեռնարկի:
Իրավապաշտպան խմբի ներկայացուցիչների խոսքով՝ չինական 6 ֆաբրիկաներում, որտեղ աշխատում է 20 հազար մարդ, աշխատանքային ժամը կազմում է ոչ թե 9, այլ 13 ժամ:
Ընկերության մամլո քարտուղարը հավելել է, որ Mattel-ը իրավունք ունի խզել պայմանագրերն այն գործարանների հետ, որոնք խախտում են օրենսդրությունը: