«Տիտանիկի» ջութակի վաճառքից ակնկալում են ստանալ կես միլիոն դոլար

1in.am-ը գրում է.

Ջութակը, որով նվագել են երաժիշտները՝ փորձելով խորտակվող «Տիտանիկի» ուղևորների շրջանում դադարեցնել խուճապը, ցուցադրվում է Մեծ Բրիտանիայում՝ մինչ աճուրդի դրվելը: 

Գործիքը պատկանել է «Տիտանիկի» նվագախմբի ղեկավար Ուոլես Հարթլիին, որը ինչպես և նավի մյուս 1500 ուղևորները, 1912թ. դարձավ նավաբեկության զոհ: 

Աճուրդի կազմակերպիչների խոսքով՝ ջութակը խորհրդանշում է մարդկային բնավորության լավագույն կողմերը:

Ակնկալվում է, որ գործիքի համար կվճարեն կես միլիոն դոլարից ոչ պակաս՝ հայտնում է BBC News-ը: