Սիրիայում քրդերի և իսլամիստների միջև բախումների հետևանքով զոհվել է ավելի քան 40 մարդ

1in.am-ը գրում է.

Սիրիայում քուրդ աշխարհազորայինների և իսլամիստների միջև փոխհրաձգության հետևանքով զոհվել է 41 մարդ, հաղորդում է Al Arabiya հեռուստաալիքը:

Հաղորդվում է, որ բախումները տեղի են ունեցել Հասակա մարզում, որտեղ գտնվում է Սիրիայի նավթի հանքավայրերի մեծ մասը:

Բախումներին մասնակցել են «Իրաքի և Լևանտի իսլամական պետություն», «Ջեբհաթ Ալ-Նուսրա» խմբավորումների գրոհայինները:

Հեռուստաալիքի տվյալներով՝ սպանվածներից 29-ը գրոհայիններ են, 12-ը՝ աշխարհազորայիններ: