2012-ին համացանցում ամենատարածված լուսանկարները (10 Photo)

 1  Անջելինա Ջոլիի ոտքը

Անջելինա Ջոլիի ձախ ոտքը իսկական ֆուրոր առաջացրեց, երբ դերասանուհին 2012 թ.-ի փետրվարին սև Վերսաչե հագած ներկայացավ Օսկարի մրցանակաբաշխության արարողությանը: Ամեն անգամ լուսանկարվելիս նա այնպիսի դիրքով էր կանգնում, որ ազդրին հասնող գրգռաճեղքից ցուցադրում էր ոտքը: Նրա ոտքի շուրջ անմիջապես մեմեր ստեղծվեցին, որոնք համաճարակի պես տարածվում էին համացանցում: Տարբեր մեմերում նրա ոտքը ում ասես որ չէին կցում` սկսած Բրյուս Լիից մինչև Ազատության արձան:

 2  Մկքայլան տպավորված չէ

Թեպետ ԱՄՆ-ի մարմնամարզուհի Մկքայլա Մարոնին ոսկե մեդալ շահեց 2012 թ.-ի Օլիմպիական խաղերում, նրա զայրույթի և հիասթափության պահը մեմ դարձավ: Մկքայլայի դեմքի անտարբեր արտահայտությունը օգտագործվում էր ամենատարբեր լուսանկարներում, այդ թվում` լուսնի, Սիստինյան Տաճարի և iPhone 5-ի:

 3  Լուսնային օլիմպիական օղակը

2012 թ.-ի Օլիմպիական խաղերի ժամանակ արված այս լուսանկարը ևս լայն տարածում գտավ համացանցում: Լուսինն ասես վեցերորդ օլիմպիական օղակը լինի, որը ծառանում է Լոնդոնի Թաուեր Բրիջն ի վար:

 4  Կատվաձուկը ցնցեց հանգստացողներին

Այս հրաշալի լուսանկարում պատկերված են սարսափահար դեմքերով կանայք, ովքեր լուսանկարվել են կատվաձկան մոտ: Սա տարվա ամենահիշարժան լուսանկարներից է, որը լայն տարածում է գտել համացանցում:

 5  Արջն ընկնում է ծառից

Ծառից ընկնող արջի այս առանձնահատուկ լուսանկարը արվել է Կոլորադոյի համալսարանի մոտակայքում, երբ արջին թմրեցնող դեղ էին ներարկել այն բանից հետո, երբ այն մագլցել էր ծառի վրա:

 6  Ծիծաղելիորեն ֆոտոգենիկ տղան

Քրտնած ու հոգնած վիճակում, ահագին տարածություն վազելուց հետո մեզնից շատերը կխուսափեին տեսախցիկից , սակայն ֆոտոգենիկ Զեդի Լիթլը չզլացավ տեսախցիկի առաջ ցուցադրել իր զմայլելի ժպիտը:

 7  Վիթխարի կապույտ ակնախնձորը

Այս վիթխարի կապույտ ակնախնձորը, որը հայտնվել է Ֆլորիդայի ավազոտ լողափին, բուռն հետաքրքրության և քննարկումների առարկա դարձավ: Աչքն, ամենայն հավանականությամբ պատկանել է թրաձկան, սակայն մենք կգերադասեինք մտածել, որ այն այլմոլորակայինի աչք է:

 8  Ֆելիքս Բոմգարտների ցատկը

Միլիոնավոր մարդիկ նայել են Ֆելիքս Բոմգարտների ապշեցուցիչ ցատկը: Դա Թվիթերում ամենաքննարկվող թեման էր: Այս շշմեցուցիչ լուսանկարում պատկերված է, թե ինչպես է Բոմգարտները սկսում իր վայրէջքը:

 9  Սփեյս Շաթլի (տիեզերական մաքոք) վերջին թռիչքը

«Ինդեվր» սփեյս շաթլի վերջին թռիչքը դեպի Կալիֆոռնիայի գիտական կենտրոնում գտնվող իր հանգրվանը: Այս սփեյս շաթլն անցնում էր տեսարժան վայրերով, ինչպիսին է օրինակ Ոսկե Դարպասների կամուրջը:

 10  Օբամայի հաղթական գրկախառնությունը

Թվիթերում լայն տարածում գտած, ինչպես նաև Ֆեյսբուքում ամենաշատ լայքեր ստացած լուսանկարը Օբամայի այս լուսանկարն է, որում նա գրկախառնվում է իր կին Միշելին: Այն տեղադրվել է Թվիթերում «4 տարի ևս» գրառումով այն ժամանակ, երբ հրապարակվեց 2012 թ.-ի ընտրություններում նրա հաղթանակի մասին լուրը: