Անտառում մոլորված որսորդը 3 շաբաթ սնվել է մողեսներով և գորտերով

1in.am-ը գրում է.

72-ամյա տղամարդը մենակ է մնացել անտառում, երբ եղջերվի որսի ժամանակ շեղվել է ճանապարհից: Ողջ մնալու համար նա 19 օր ստիպված է եղել սնվել մողեսներով, գորտերով և սկյուռիկներով: Այս մասին գրում է Federal Post-ը:

Անհետանալուց մեկ օր անց նրա ընկերներն այդ մասին հայտնել են տեղի ոստիկանության շերիֆին: Տղամարդուն մոտ 2 տասնյակ մարդ է փնտրել, որոնողական աշխատանքներին նույնիսկ ուղղաթիռներ են կցվել:

Իսկ այդ ընթացքում Պենաֆլորը փորձել է ինքնուրույն դուրս գալ անտառից, սակայն՝ ապարդյուն: Հետո նա որոշել է տեղում մնալ` հույս ունենալով, որ իրեն կգտնեն: Նա շատ փորձությունների միջով է անցել, սակայն ամենից սարսափելին այն է եղել, երբ սայթաքել է և ընկնելով` կորցրել գիտակցությունը: Նա գաղափար անգամ չունի, թե որքան ժամանակ է անգիտակից վիճակում եղել:

Սակայն տղամարդու որոնողական աշխատանքները դադարեցվել են փոթորկի պատճառով և վերսկսվել են միայն 4 օր անց: Պենաֆլորին գտել են այլ որսորդներ և այդ մասին հայտնել շերիֆին: