Ռուսաստանի Կիրովի շրջանում ահաբեկիչները պլանավորել են պայթեցնել քիմիական զենքի պահպանման օբյեկտը

 Emedia.am-ը գրում է.

Ռուսաստանի Կիրովի շրջանում ահաբեկչություն է կանխվել, որը նախապատրաստվել է անցկացնել քիմիական զենքի վնասազերծման և պահպանման օբյեկտում:

Իրավապահները ձերբակալել են երկու կովկասցիների՝ 19 և 21 տարեկան, ովքեր շրջան ժամանել են Մոսկվայից, հայտնում է rbc.ru-ն: Հաղորդվում է, որ նրանք եղել են վահաբիզմի հետնորդներ: Ձերբակալության ժամանակ նրանք դիմադրություն են ցուցաբերել իրավապահներին:

Քիմիական զենքի վնասազերծման և պահպանման օբյեկտում ահաբեկչությունը կարող էր հանգեցնել հարյուրավոր զոհերի:

Ահաբեկիչները ծրագրել են պայթյուն իրականացնել այդ հատվածում գտնվող լքված տներից մեկում: Նրանք իրենց մոտ են պահել ինքնաշեն պայթուցիկ: Բացի դրանից, նրանց մոտ եղել է ծայրահեղական գրականություն:

Հարուցվել է քրեական գործ: